తాగుబోతు కష్టం !!

బజార్నుండి వస్తుంటే రోడ్డు పక్కన ఒక తాగుబోతు
ఎక్కువగా తాగటం వల్ల దొర్లి మురుగు కాలవలో పడ్డాడు.
..
వర్ధ మాన తాగుబోతులు వారి సానిభూతి పరులు అందరూ
పోగయి అతన్ని బయటకు లాగి ఒక బిందెడు మంచినీళ్లు
గుమ్మరించారు . మనోడు కొద్దిగా తెప్పరిల్లాడు.
"వళ్ళు తెలీకుండా తాగడమెందుకు? ఈ బురదలో పోర్లాడట మెందుకు?"
దారిన పోతున్న ఆడాళ్ళ ప్రశ్న.
**
నాకొచ్చిన కష్టం పగ వాడికి కూడా రాకూడదు. మత్తుగా బదులిచ్చాడు. బురద తాగబోతు.
పాపం చెప్పుకోలేని కష్టం వచ్చి ఉంటుంది అందుకే ఎక్కువ తాగి ఉంటాడు.
వర్ద మానులు .సీనియర్ ని  సపోర్ట్ చేశారు.
"అవును" అతను రోదించాడు.
చుట్టూ పొగయిన జనం ఓదార్చారు.
పాపం ఎంత కష్టం వచ్చిందో ?? నిట్టూర్చారు.
**
రెండు గ్లాసులు మజ్జిగ పట్టిచ్చాక అతని కష్టం గురించి ఆరా తీశారు.

"కొంచెం తాగి మిగతాది దాచుకుందామని ఫుల్ బాటిల్ ఓపెన్ చేశానా?
సీసా మూత పడి పోయింది. ఎంత వెతికినా దొరకలేదు " బావురు మన్నాడు అతను.