Sunday 25 October 2015

పడమటి గాలి


మొత్తానికి వాళ్ళిద్దరికి పెళ్లయింది.
పెళ్ళికి తీసుకున్న సెలవులు వృదా కాకుండా తిరపతి, షిర్డి వెళ్ళి వచ్చారు. కొత్త కాపురం.
మిత్రులు ఇచ్చిన విలువయిన బహుమతులు ఆటొ లో వేసుకుని తమ ఫ్లాట్ కి చేరుకున్నారు.
సోమవారం నుండి ఆఫీసులకి వెళ్ళవలసి ఉండటం తో తీరిగ్గా కూర్చుని గిఫ్ట్ లు అన్నీ
తీయటం మొదలెట్టారు. బాగా విలువయిన వాటిని బెడ్ రుము వార్డ్ రోబ్ లోనూ, 
మిగిలినవి హాల్ గోడల మీదా, కిచెన్ కి పని కొచ్చేవి అక్కడా మొత్తానికి సర్దు కున్నారు.
కొంత మండి కవర్స్ లో బాంక్ గిఫ్ట్ చేక్స్ పంపారు.
వాటిని జాగార్త చేస్తుంటే ఒక కవర్ లోంచి రెండు టిక్కెట్స్ బయట పడ్డాయి.
రవీంద్ర భారతి లో పాటిబండ్ల ఆనందరావు గారు రాసిన "పడమటి గాలి"
రెండు రోజుల ప్రదర్శనని కలిపి ఒకెరోజు కంటిన్యూ గా 10 గంటల పాటు జరగనున్న ప్రదర్శనకి టిక్కెట్స్ అవి.
గొప్ప నాటకం. చాలా సార్లు మిస్సయ్యారు. వాటి మీద డేట్ చూశారు.
ఆ రోజే. పంపినవారు పేరు లేదు కవర్ మీద " can u guess?"
అని ఉంది. ఎవరో మిత్రుల పని అనుకుని . వెంటనే రెడీ అయి ప్రదర్శనకి వెళ్లారు.
గొప్ప నాటకం చూసి తెల్లవారు ఝామున ఫ్లాట్ కొచ్చారు.
తాళం వేసినట్టే ఉంది. లోపల అంతా ఖాళీ .
అద్దం మీద స్కెచ్ పెన్ తో రాసిన "its me" అన్న అక్ష రాలు తప్ప.
(పాటిబండ్ల ఆనందరావు గారు నాకు సన్నిహితులు. వీలయితే ఎప్పుడయినా పడమటి గాలి చూడండి గొప్పగా ఉంటుంది.)
#susri

1 comment:

Saahitya Abhimaani said...

ఫ్రీగా వచ్చింది కదా అని నాటకానికి వెడితే, జరిగిన బాగోతం బాగున్నది. పైగా ఆ బాగోత కర్తే టిక్కెట్లు పంపటం బాగున్నది.

www.susri.home.blog

  అందరికీ నమస్తే 66o పోస్టులు పైగా వ్రాసిన ఈ బ్లాగ్ లోని నా పోస్ట్ లలో  చాలా అచ్చుతప్పులు ఉండటం గమనించాను.  వాటన్నిటినీ ఎడిట్ చేస్తూ, modify...