మగధీర

పెళ్లాన్ని కొట్టిన ఒక ధీరోదాత్తుడి ని కోర్టులో ప్రవేశ పెట్టారు.
జడ్జి అతడిని ఈర్షగా చూస్తుండగా లాయర్ కోర్టుకి విన్నవించుకున్నాడు .
"ముద్దాయి సచ్చిలుడు , ఇదో క్షణిక ఆవేశం లో బార్య మీద చెయ్యి చేసుకున్నాడు .మొదటి తప్పుగా క్షమించి వదిలెయ్యవలసినదిగా కోర్టుకి విన్నవించుకుంటున్నాను."
జడ్జి గారు తాను చేయలేని పని చేసిన అతడిని లోపల మెచ్చుకున్నా, బయటకి మందలించి వదిలేశారు.
****
మూడో రోజు అదే దీరోదాత్తుడిని అదే కారణం తో అదే జడ్జి ముందు ప్రవేశపెట్టారు. ఈసారి జడ్జి గారు ఉపేక్షించ దలుచు కోలేదు.
అతడి కి శిక్ష విదించే లోపు " అయ్యా నేను ఏమయినా కోర్టుకి చెప్పు కోవచ్చా అని అడిగాడు "
కళ్ళజోడు లోంచి చూస్తూ " కానివ్వు " అన్నాడు జడ్జి .
"అయ్యా .. మొన్న మీరు వదిలేశారా ఆ ఆనందం తో కొద్దిగా ఒక్క బాటిల్ కొనుక్కుని, ఒక్క పెగ్గు తాగుదామని తాగానా?, దానివల్ల పెద్ద ఉపయోగం లేకుండా పోయింది. అందుకని రెగ్యులర్ గా తీసుకునే మోతాదు తీసుకుని
ఇంటికి జగార్త గా వెళ్ళాను. "
జడ్జి శ్రద్దగా వినడం గమనించాడు దీరోదాత్తుడు .
"వాకిట్లోనే అందుకుందండి. బండ గొంతు వేసుకుని 'వచ్చావా ? మళ్ళీ తాగొచ్చవా? ఆ పనికి మాలిన తాగుడు మానవు గదా?' అని " నేనేమీ మాట్లాడ లేదండీ. గమ్మున లోపలికి వెళ్ళాను..
"పనికి మాలిన వెదవ, పని లేదు పాడు లేదు తాగటం , తిరగటం , సిగ్గా శరమా , దున్నపోతు మీద వాన కురిస్తే ఏమి? కుడితి పోస్తే ఏమి ?'
అప్పటికీ నేను ఏమి అనలేదు అయ్యా .. నా గదిలోకి పోతున్నాను ..
" ఆ జడ్గి గాడు ఒక పనికి మాలిన ఏబ్రాసి, సన్నాసి. వాడు సరయినోడు అయితే ఈ పాటికి నువ్వు జైల్లో ఉందువు. ఇత్తడి చెంబుకు జనప నార అతికించినట్లు వాడు వాడి మొఖం. ఎంగిలి బీడీలు ఎరుకుని తాగే యదవ,
వాడు కడుపుకి అన్నం తింటున్నాడా, పెంట ........................"
జడ్జి అతడిని ఆపి "ఇక నువ్వు వెళ్ళోచ్చు" అన్నాడు .
పోలీస్ వారి వైపు తిరిగి "ఈ సారి మర్డర్ చేసినా ఇతని మీద కేసు కట్టకండి"
కోర్టు వాయిదా పడింది. smile emoticon smile emoticon pacman emoticon pacman emoticon 

సన్ ఒఫ్ బిచ్

తమ ఒక్కగానొక్క పిల్లాడు విపరీతంగా చదివేసి రాత్రికి రాత్రి రెండు మూడు జిల్లాలకి కలెక్టర్ కావాలని ఒక.' కే‌జి తో పి‌జి కార్పొరేట్ కాలేజి' లో చేర్పించారు ఆ దంపతులు ..
పిల్లాడు కూడా ఈ ప్రపంచం లో కంటే ఆ జైల్లే నయమన్నట్టు అక్కడే దారాళంగా చదవటం మొదలెట్టాడు.
ఒక ఆది వారం దంపతులిద్దరూ పిల్లాడిని చూడ టానికి వచ్చారు.
ఇప్పుడే వస్తా మమ్మీ మా మిస్ ఇచ్చిన వర్క్ పూర్తి చేసి వస్తా అన్నాడా పిల్లాడు. తల్లి మురిసిపోయింది. నేను వస్తా అని వెళ్ళి పక్కనే కూర్చుంది.
వాడు నోట్సు తెరిసి
1+1 ది సన్ ఒఫ్ బిచ్ ఈస్ 2,
1+2 ది సన్ ఒఫ్ బిx ఈస్ 3,
1+3 ది సన్ ఒఫ్ బిx ఈస్ 4
అని చదువుతూ హోంవర్క్ రాయసాగాడు .
వాడి మాటలకి ఆమె బిత్తర పోయింది.
"ఎవర్రా నీకు లెక్కలు నేర్పేది?"
"కౌసల్య మిస్"
వాడిని లాక్కుని వెళ్ళి హెడ్ మిస్ దగ్గర విషయం చెప్పింది .
వెలకి వేలు పోసి చదివిస్తుంది బూతులు నేర్పటానికా?
హెడ్ మిస్ మరోసారి వాడి చేత వర్క్ చేయించింది.
" పిల్లలందరిలో కూర్చుని చదవటం కదండీ 1+1 the sum of which is 2 అని నేర్పి ఉంటుంది టీచర్, వాడిని ఎవరు కరెక్ట్ చెయ్యక పోవటం తో ఇలా నేర్చుకున్నాడు."
పిల్లాడిని హాస్టల్ మాన్పించి దగ్గరలోని స్కూల్ లే వేశారు.
వాడేం చదువుతున్నాడో తల్లి గమనిస్తూ ఉంది. వీలయితే తాను చదువుతుంది. పిల్లాడు బాల్యం .. బాల్యం లానే గడుస్తుంది.
పిల్లోడు ఖుష్ , పెద్దోల్లు ఖుష్ .. smile emoticon

పనికొచ్చే మాట

సోమవారం రోజు కాంపౌండ్ వాల్ కలిగిన 5 ఎకరాల మండల కాంప్లెక్స్ లో వాయువ్య మూలాగా ఉన్న నా ఆఫీసులో లో చార్జి హండోవర్ లిస్ట్ తయారుచేసుకునేటప్పుడు , రంగు రంగుల చీరలు కట్టుకున్న కొంత మంది ఉద్యోగినులు కాంప్లెక్స్ కాంపౌండ్ అంతా కలియదిరగటం గమనించాను.
ఇంతలో మండల విధ్యా శాఖదికారి (MEO) ఫోను . 
మండలం లోని ఉపాద్యాయులందరికి మూడురోజుల ట్రైనింగ్ ప్రోగ్రాము మొదలెడుతున్నాము . 
ప్రారంభ ఉపన్యాసం ఎం‌పి‌డి‌ఓ గారు చేస్తారు, మీరు ఉపయోగపడే రెండు మాటలు చెబితే బాగుంటుంది. అని. 
వస్తున్నాను అని చెప్పి వెంటనే వెళ్ళాను.
ఎం‌పి‌డి‌ఓ గారు మాట్లాడాక నన్ను పరిచయం చేసి,
రెండు నిమిషాలు మాట్లాడి రెండు ఉపయోగ పడే మాటలు చెప్పమన్నారు.
నేను ఒక్క నిమిషమే తీసుకుని
ఉపయోగపడే ఒక్క మాటే చెప్పాను.
" ఆ కిటికీ లోంచి చూస్తే కనబడే ఆఫీసు మాది .
దానికి అటువైపున నీటి సౌకర్యం ఉన్న వాష్ రూము ఉంది.
ఈ మూడు రోజులు సోదరిమణులు ఉపయోగించుకుని తాళం వాచ్మేన్ కి చేరిస్తే చాలు " అని.
గోడల మీద 'స్మార్ట్' గ్రామాల పోస్టర్ ల రంగు ఇంకా మెరుస్తూనే ఉంది.

అర్ధటీస్ డాక్టర్

ఆర్ధటీస్ డాక్టర్ గారి ఓ పి రూము రద్దీగా ఉంది. 
చాలా మంది ఔట్ పేషంట్లు అందుబాటులో ఉన్న ఎల్‌సి‌డి టి వి లో వస్తున్న మాజిక్ షో చూస్తూ ఉన్నారు. 
అంతలో దాదాపు సగానికి వంగిపోయిన ఒక రిటైర్డ్ ఉద్యోగి ఒకరు లోపలికి వెళ్ళాడు. సరిగ్గా పది నిమిషాల తర్వాత నిటారుగా నడుస్తూ బయటకి వచ్చాడు . హల్లో కూర్చుని ఉన్న అందరూ ఆ శ్చర్యంగా చూశారు. అంత టి వింతని వాళ్లెప్పుడు చూడలేదు. మంచి డాక్టరని విన్నారు గాని.. నిమిషాలలో జబ్బు నయం చేయటం అంటే మామూలా?
అక్కడే ఉన్న పక్షి టీవి విలేకరి ఫోన్ చెయ్యటం వెంటనే కెమెరామెన్ గంగ తో రాంబాబు రావటం జరిగి పోయాయి.
పెద్దాయన తో ఇంటర్వ్యూ మొదలయ్యింది.
మీ పేరు ?
పరమేశం .
వయసు ?
సుమారు 80 అనుకుంటా..
మీరు డాక్టరు గారి రూములోకి వెళ్ళేటపుడు సగానికి పైగా వంగి వెళ్లారట?
అవును.
ఇప్పుడు నిటారుగా ఉన్నారు?
"ఊ " మూలిగాడు పెద్దాయన .
డాక్టరు గారు ఏమి వైద్యం చేశారు ? ఇంత తొందరగా మీకు ఎలా నయం అయ్యింది?
సమాదానం కోసం అందరూ ఎదురు చూస్తున్నారు.
****
"చొక్కా గుండీలు ఫాంటు కి పెట్టుకొగూడదని చెప్పారు .."
pacman emoticon pacman emoticon pacman emoticon wink emoticon

బార్ లో ఉన్నవారందరికి

వెంకట్రావు వస్తూనే హలో గుడ్ ఈవినింగ్ ఫ్రెండ్స్ ..అంటూ అరిచాడు .
బార్ అండ్ రెస్టారెంట్ లో కూర్చున్న వారిలో చాలా మంది అతన్ని పట్టించుకోలేదు.
"బేరర్" పెద్దగా అరిచాడతను. 
"షాంపైన్ తీసుకురా .. " మళ్ళీ చెప్పాడు.
"బార్ లో ఉన్న వాళ్ళందరికీ .. తీసుకురా ఎందుకంటే నేను తాగిందే వీళ్ళంతా తాగాలి అదే నా కోర్కె".
చాలా మంది అతన్ని గమనించ సాగారు.
ఉత్సాహం తో ఉరకలేస్తున్నాడు అతను .
బార్లో అందరికీ షాంపైన్ సర్వ్ చేశారు.
“ బేరర్ .. తందూరి చికెన్ పట్రా .. అందరికీ కూడా ..
ఎందుకంటే నేను తినేదే అందరూ తినాలి అదే నా కోర్కె.”
ఎవరో విజిల్ వేశారు. కొంత మంది చప్పట్లు కొట్టారు .
అందరూ ఆసక్తిగా చూశారు.
వెంకట్రావు నవ్వుతూ అందరినీ చూశాడు.
నాకు కింగ్స్ పాకెట్ పట్రా .. అందరికీ కూడా ఎందుకంటే నేను తాగేదే ..”
బార్లో దాదాపు అందరూ కోరస్ గా పలికారు “అందరూ తాగాలి “
ఒక రెండు గంటల పాటు వెంకట్రావు విజ్రంభించాడు .
చాలా మంది అతని గురించి ఆరా తీశారు.
ఫోన్ నెంబరు నోట్ చేసుకున్నారు .
******
కధ క్లైమాక్స్ కి వచ్చింది.
“బేరర్ .. బిల్ పట్రా !!అంధరికి కి బిల్లు ఇవ్వు ఎందుకంటే అంధరు నేను కట్టినట్టే వాళ్ళు బిల్లు కట్టాలి “
వెంకట్రావు ఇంకా ఐ‌సి‌యూ లోనే ఉన్నాడు .tongue emoticon tongue emoticon pacman emoticon

బులుగు రంగు పొలిటీషియన్

రాష్ట్రపతి భవనం లో పావురాళ్ల బెడద ఎక్కువయ్యింది.
చుట్టూ ఉన్న చెట్లు దాని కింద నున్న బెంచీలు అన్నీ వాటి రెట్టలతో నిండి పోతున్నాయి. 
ఉద్యానవనం లోకి వెళ్ళే బాట పొడవునా పక్షుల వ్యర్ధాలే.
రోజు వాటిని శుభ్రం చేయటం కష్టం అయిపోతుంది సిబ్బందికి.
పక్షులని హింసించడం కలాం గారికి ఇష్టం లేక పోయింది.
..
పరిష్కారం కోసం అంధరు ఆలోచించి పేపర్ ప్రకటన ఇచ్చారు.
ఎవరయినా నివారణ మార్గం చెప్పమని...
..
రెండో రోజు ఒక మెజీషియన్ వచ్చారు .
కలాం గారిని కలిసి "నేను పక్షులని తరిమి వేస్తాను. డబ్బేమి వద్దు.
కానీ మీరేదయినా ప్రశ్న వేసి నానుండి సమాధానం ఆశిస్తే మాత్రం కోటి రూపాయలు ఇవ్వాల్సి ఉంటుంది "..
..
అతని తమాషా అయిన ప్రతిపాదనకి కలామ్ గారు
ఒప్పుకున్నారు ఒకింత ఆశ్చర్యంతో ....
..
మర్నాడు అతనో పెద్ద పెట్టె తో వచ్చాడు .
రాష్ట్రపతి భవనం పైకి చేరి పెట్టేలోంచి ఒక బులుగు రంగు మిరుమిట్లు గొలిపే పావురాన్ని బయటకు తీశాడు. ..
..
దానిని చేత్తో ఒక్క సారి నిమిరి గాల్లోకి వదిలాడు. .
అది అన్నీ చెట్ల చుట్టూ తిరిగి దూరంగా వెళ్లిపోయింది. ఆశ్చర్యం ..
చెట్ల మీద పావురాళ్ళన్ని బులుగు పావురం వెంట గుట్టగా వెళ్లిపోయాయి. కొంత సేపటి తర్వాత అది ఒక్కటే తిరిగోచ్చింది.
..
అతనికి లోపలి నుండి పిలుపోచ్చింది.
ఎడంకెలు వేసి ఉన్న చెక్కు మెజీషియన్ కి ఇస్తూ ఆయన అడిగాడు.
" మీ వద్ద బులుగు రంగు పొలిటీషియన్ ఉన్నారా?"

అత్తా - కోడలు

ఒక ఫంక్షన్ జరిగే చోట, 
ఒక కుమారుడు తల్లి కి నలుగురు ఆడ పిల్లల్ని చూపించాడు.
..
" అమ్మా నేను ఇష్టపడి పెళ్లి చేసుకోవాలను కున్న అమ్మాయి ఆ నలుగురిలో ఉంది. ఫంక్షన్ పూర్తి అయ్యేంత వరకు వాళ్ళని గమనించి నేను చేసుకోవాలనుకుంటున్న అమ్మాయి ఎవరో చెప్పు చూద్దాం " అన్నాడు.
..
..
" అదుగో ఆ నీలం చీర కట్టుకున్న అమ్మాయి అయివుంటుంది "
చెప్పిందా తల్లి.
కొడుకు ఆశ్చర్య పోయాడు
"అంత కరెక్ట్ గా ఎలా చెప్పగలిగావు ?"
...
..
"అందులో వింతేమి ఉంది. నలుగురిలో ఆ ఒక్క పిల్లే నాకు నచ్చలేదు"
smile emoticon grin emoticon pacman emoticon pacman emoticon