కోపం

నాకతను అంటే నలబై ఏళ్లుగా కోపం.
**
ఆరో తరగతి చదివేటప్పుడు ఆయన ఇంట్లో ఉండేవాడిని .. అయితే..
అమ్మ నాకు వేడి వేడి అన్నం, రాముల్లకాయ కూర పెట్టేది .. అయితే ..
పంతులుకి ముడుగిన్నెలు కారీజి నాకు రెండు గిన్నెల కారేజి .. అయితే.
అప్పటికి పిల్లలు లేని మాస్టారుకి నేనే కొడుకుని ... అయితే.
రిటైర్ అయ్యాక పుట్టిన చెల్లెళ్ళు ఇద్దరు పెళ్ళికి మేము వెళ్ళాం .. అయితే
ఏచిన్న సమస్యవచ్చినా నాతో ఫోన్ లో మాట్లాడతారు.... అయితే.
పెద్దమ్మాయికి ఇద్దరు పిల్లలు , చిన్నమ్మాయికి ఇద్దరు.. అయితే
ఇప్పటికీ నాకు పెద్ద కొడుకుగా స్థానం ఉంది ......అయితే..
ఇవాళ ఈ ముసురులో తిరపతికి జోగి ఎత్తుకుని ఎదురు నడిచారు.... అయితే.
నన్ను మూడు రోజులనుండి ఫోను లో సంప్రదిస్తూనే ఉన్నాడు.... అయితే..
**
ఆరో తరగతి లో వారానికి రెండు సార్లు ....'కోలుకుక్కరాయి' వెయ్యలా?
అంత తొందరగా మరిచి పోతామా ఏమిటి?..

..
అబ్బూరి సింగయ్య పంతులు గారూ..
నెల్లూరు వైపు ట్రాఫిక్ స్తంబించింది.
పొదిలి కనిగిరి, మీదుగా మరో రూటు ఉంది. జాగర్తగా వెళ్లిరండి.
వాతావరణం సహకరించి మీరు అందరూ స్వామిని దర్శించుకు రండి ..
అప్పుడు మీతో మాట్లాడిల్సినవి చాలా ఉన్నాయి.
**
మాస్టారూ జాగర్త .. ఎందుకంటే మీరంటే నాకు కోపం smile emoticon