Tuesday 3 November 2015

డాడీస్ రిమోట్ !!

సాయంత్రం అలసి పోయి ఇంటికి వస్తామా ?
హల్లో టి వి చూస్తుంటుంది ఇంటావిడ.
కొంచెం చప్పుడు చేస్తాం.
చిన్న శబ్దం వచ్చేట్టు చేతి లోని బాగ్ టి పాయ్ మీద పెడతాం.
చిన్నగా దగ్గుతాం ..
ఊహూ ఏమి లాభం లేదు.
ఆవిడ సీరియల్ చూస్తూ ఉంటుంది.
అదృష్టవశాత్తు కమర్షియల్ బ్రేక్ వస్తుంది కాబట్టి ఒక గ్లాసు చన్నీళ్ళు, ఒక కప్పు వేడి నీళ్ళు టీపాయ్ మీదకి వస్తాయి. మళ్ళీ ఆమె సీరియల్ లోకి మునిగి పోతుంది.
పాపం కొండవలస పోయారట ?
ఆశ చావక అడుగుతాం ?
మూడు ప్రశ్నల గురుతుగా మూడుసార్లు తల ఊగుతుంది.
ఏ సీరియల్? ఏ చానెల్ ? ఎన్ని గంటలకి ? అని అర్ధం .
ఇక లాభం లేదని పొద్దుటి సద్ది పేపర్ తిప్పటానికి ప్రయత్నిస్తుంటే..
బయట ఆడుకునే కొడుకు వచ్చి, హాల్లో వెతకటం మొదలెడతాడు?
అయినా ఆవిడ ఉలకదు.?
"ఎందిరా వెతుకుతున్నావ్?"
"రిమోటే డాడీ, స్టార్ స్పొర్ట్స్ లో క్రికెట్ వస్తుంది."
మనం తెలివిగా వాడికి ఇంటావిడని చూపిస్తాం కళ్ళ తోనే ..
"టి వి రిమోటే డాడీ.. మీ రిమోటే కాదు " అంటాడు వాడు.
తూ .. దీనెమ్మ జీవితం.:(
#susri ..

No comments:

www.susri.home.blog

  అందరికీ నమస్తే 66o పోస్టులు పైగా వ్రాసిన ఈ బ్లాగ్ లోని నా పోస్ట్ లలో  చాలా అచ్చుతప్పులు ఉండటం గమనించాను.  వాటన్నిటినీ ఎడిట్ చేస్తూ, modify...