Tuesday 24 November 2015

వేగు పాండు

హాలీవుడ్ జేమ్స్ బాండ్ సినిమా ని తెలుగు లో డబ్ చేయటానికి హక్కులు తీసుకున్న ఒక నిర్మాత కి 
సెన్సార్ వాళ్ళు చుక్క లు చూయించారు. ముద్దు సీన్లు, మర్డర్ సీన్లు తొలగిస్తే సగం కూడా మిగల్లేదు .
ఛీ మనకి లోకల్ టాలెంట్ ఇంత ఉండగా , హాలీవుడ్ అద్దె సరుకెందుకు దండగ అని తెలుగులో జేమ్స్ బాండ్ సినిమా ప్లాన్ చేశాడు.
ఫెస్బుక్ పెద్దాయన్ ఎటు ఉన్నారుగా ‘జాజి శర్మ’ గారు ఆయనకి కధా స్క్రీన్ ప్లే బాద్యతలు అప్పగించారు.
వారం తిరక్కుండానే స్రీన్ ప్లే బౌండింగ్ బుక్ లో నాలుగు మూలలా పసుపు పూసుకుని మన నిర్మాతకి చేరింది.
**
“ వేగు పాండు “ అని టైటిల్ ఉంది పైన.
మొదటి రెండు పేజీలు ల లో
శ్రీహరీ !శ్రీహరీ!! జై శ్రీమన్నారాయణ!! జై జై శ్రీమన్నారాయణ!! గోవిందా!! గోవింద!! నమ: పార్వతీ పతయే హరహర మహదేవ శంభో శంకర !! అని ఉంది.
ఆయన కంగారుగా పుస్తకాన్ని అక్కడక్కడా కొన్ని పేజీలు తిప్పి  లోపలికి తొంగి చూశాడు.
చక్కెర కలిపిన పెరుగు కప్పు పూర్తిగా తినేసి తెల్ల దోవతి కట్టుకుని తల్లి పాదాలకి నమస్కరించి
కొత్త సమస్య పరిస్కారానికి బయలు దేరాడు.
“ఈ పాండు కి అలుపు ఉండదు. రోడ్డు మీద పిల్లి ఎదురైతే తప్ప !!!!”
శత్రువుల డెన్ లోకి వెళ్ళే ముందు కెమెరా పండు నడిపే కారు డాష్ బోర్డు మీద అంటించిన గణేశ్ ప్రతిమ మీద నుండి జూమ్ అవుతుంది.
విలన్ : రండి మిస్టర్ పాండు మీ కోసమే ఎదురు చూస్తున్నాం.
పాండు : బూట్లు ఎక్కడ విప్పాలా అని చూస్తున్నాను .
గదిలో అగరబత్తి వెలిగించి , హీరోయిన్ ని మైకం లో పడేశాడు.
‘” ఈ రోజు మంగళవారం అదీ కార్తీక మాసం , శత్రువులని పాండు చంపడు”
నిర్మాత సినిమా ఆలోచన మానుకుని పోరంకి దగ్గర కోళ్ళ ఫారం పెట్టుకోటానికి స్థలం వెతుకుతున్నాడు.
‪#‎susri‬

No comments:

www.susri.home.blog

  అందరికీ నమస్తే 66o పోస్టులు పైగా వ్రాసిన ఈ బ్లాగ్ లోని నా పోస్ట్ లలో  చాలా అచ్చుతప్పులు ఉండటం గమనించాను.  వాటన్నిటినీ ఎడిట్ చేస్తూ, modify...