సీనియర్ సలహా

ఒక జూనియర్ ఇల్లాలు సీనియర్ ఇల్లాలు మార్కెట్ లో కలిశారు.

..

కొద్దిగా ఖరీదు చేసే డైమండ్ ఇయర్ రింగ్స్ తన బర్త చేత కొనిపించాలంటే ఏమిచెయ్యాలని సీనియర్ ని సలహా అడిగింది జూనియర్...

..

మగాడి మనసుకి దగ్గర మార్గం కడుపే. బాగా రుచిగా వండి పెట్టు. ..నువ్వు చెప్పిన మాట వింటాడు అందావిడ. అంతటితో ఆపకుండా రెండు మూడు అద్బుతమయిన రెసిపిలు చెప్పింది. దానికి కావల్సిన సరంజామా కొనుక్కుని ఆటో ఎక్కింది జూ . ఇల్లాలు.

**

వారం తర్వాత అదే మార్కెట్ లో తారసపడ్డ జూనియర్ ని సీనియర్ అడిగింది.

“ నే చెప్పినట్టు వండి పెట్టావా?”

“ఆహా” అంది జూనియర్.

“తర్వాత ?”

“ఏమండీ రోజు ఇలా వండి పెడితే నాకే మిస్తారు? అని కూడా అడిగాను” అభావంగా చెప్పింది జూనియర్.

“అపుడేమన్నాడు? మా మరిది?”

“నేనివ్వటం ఎందుకు? ఇన్సూరెన్స్ డబ్బులోస్తాయి. దాంతో ని ఇష్టం వచ్చింది కొనుక్కో మన్నాడు”

ట్రావెలోగ్ ఆఫ్ కనకం.

చెన్నై నుండి పోర్ట్ బ్లైర్ డీలక్స్ కాబిన్ లో అండమాన్ వెళ్తున్న కనకం ఒక చిన్న బుక్ లో ట్రావెలాగ్ రాసుకుంది.
..
సోమవారం : 2nd క్లాస్ కేబిన్ లో అండమాన్ బయలు దేరాను. సముద్రం మీద మొదటి సారి ప్రయాణం మొదటి ఆరు గంటల పాటు కడుపు అంతా దేవి నట్లు ఉంది. వామిటింగ్ సెన్సేషన్. డెక్ మీద చాలా సేపు నుంచున్నాను. చాలా మంది లాగే నేను తరచూ వాష్ బేసిన్ వద్దకి పరిగెత్తడం ఒక పొడవాటి వ్యక్తి గమనించాడు. సముద్రపు గాలులు, ఊగే షిప్ మీద ఎలా నడవాలో, ఆహారం లో ఏమి జాగర్తలు తీసుకోవాలో వివరంగా చెప్పాడు. 40 ఏళ్ల వయసులో ఉన్నా చాలా దృడంగా ఉన్నాడతను కేబిన్ కి వస్తుంటే గ్లూకోజ్ వాటర్ ఇచ్చాడు. హొ నైస్ హి ఈజ్ ??
..
మంగళవారం: తమాషా గా ఉంది అతని పేరు 'దిలీప్' ఆట. ఆ షిప్ కి కెప్టెన్ ఆట. ఈ రోజు నన్ను షిప్ కేబిన్ లోకి ఆహ్వానించాడు. అక్కడ మెరైన్ యూనిట్, నాటికల్ వేగం గురించి, రాడార్ అనుసందానం గురించి చాలా విషయాలు చెప్పాడు. నన్నో ప్రముఖ వ్యక్తి లాగా ట్రీట్ చేశాడు. నన్ను డెక్ మీద అనేక భంగిమల్లో ఫోటో లు తీశాడు. సముద్రం నీరు మా కాళ్లని తాకాలని చేసే ప్రయత్నం చాలా బాగుంది.
..
బుదవారం: ఒక్క గంట సేపు సముద్రం లో లంగరు వేసినప్పుడు చుట్టూ నాటు పడవల్లో చేపల వెటకి వచ్చేవారికి డిజిల్, మంచి నీళ్ళు ఇచ్చి సాయం చేస్తే వాళ్ళు అత్యంత ఖరీదయిన లొబ్ స్టర్ రొయ్యలని వీళ్ళకి ఇస్తారట. దిలీప్ చెప్పాడు. ఈరోజు తనతో పాటు మొదటి సారిగా ‘లొబ్ స్టర్’ రుచి చూశాను. తనతో ఉన్నంత సేపు అతను నన్నే గమనించడం చూశాను.
..
గురువారం: దిలీప్ పద్దతి ఏమి బాలేదు. నా అందాన్నిఅతిగా పొగడటం. దొంగ చాటుగా నన్ను చూడటం, తరచు చేతులు కలపటం ఊహూ.. ఏమంత మంచి వాడు కాదు.
..
శుక్రవారం: దుర్మార్గుడు ఇవాళ తనే నన్ను వెతుక్కుంటూ వచ్చాడు. తనతో పాటు ఒంటరిగా 'ఒక గంట' గడపాలట. లేకుంటే 3415 మంది ప్రయాణికులు ఉన్న షిప్ ని నడి సముద్రం లో ముంచేస్తానని బెదిరించాడు. వణికే కాళ్లతో నేను నా కేబిన్ కి ఎలా చేరానో గుర్తు లేదు . 
..
శనివారం: నేనివాళ అతని కంట పడకుండా తప్పించుకుందామని విఫల యత్నం చేశాను. 24 గంటల గడువు విదించాడు. లేదా 3415 మంది ప్రాణాలు .. హరి .
..
..
..
ఆదివారం: గంట అనుకున్నది మరో రెండు గంటల సమయం పట్టింది. నాకిప్పుడు తృప్తిగా ఉంది . 3415 మంది ప్రాణాలు కాపాడాను. 

పొగ సందేశం

ఒక బాధ్యత లేని మనిషి 

రింగులు రింగులు గా వదిలిన పోగ ప్రయాణించి ..
ప్రయాణించి ...
ప్రయాణించి ..
పొగ వదిలిన వ్యక్తి శరీరం నేలమీద పడి
రెండు బొటనవేళ్లు కట్టి ఉంచినప్పుడు 
అతని తల వద్ద వెలిగే దీపం 
పక్కనే సృహతప్పిన బార్య,
పాల బుగ్గలమీద నీటి చారికలు ఏండి పోయిన పిల్ల 
ఛౌక బియ్యం తో సగం నింపిన ప్లాస్టిక్ గ్లాస్ లో 

వెలిగించిన అగరు బత్తి ల
పొగలో కలిసి పోతుంది.

హాపీ ఉమెన్స్ డే

అతనికి చాలా ఎక్సైటింగ్ గా ఉంది .
మొట్టమొదటి సారి తను ఉరేల్లింది.
ఏదో ప్రాపర్టీ తాలూకు గొడవల్లో మామగారికి తన సంతకం అవసరం అయ్యింది.
బబ్లూ ని వెంటబెట్టుకుని, రెండు రోజుల్లో వచ్చేస్తానని..
ఉద్యోగరీత్యా ఏలూరు లో ఉండటం మొదలెట్టాక ఇదే మొదటిసారి ఈ ఆరు సంవత్సరాలలో 
రెండు రోజులు .. పెళ్ళాం ఉరేలితే .. 
ఏమేం చెయ్యొచ్చు ?? ఫ్రెండ్స్ ? కార్డ్స్ ? మందు ? ఇవేమీ తనకు అలవాటు లేదు మరి అందరూ అనే ఈ స్వతంత్రం వాడుకోవటం ఎలా?
అతను ఇంటికొచ్చాడు. టైమ్ ఏడున్నర. ఫ్లాట్ తాళం వేసి ఉంది. వాలేట్ లో జాగర్తగా ఉంచుకున్న తాళం చెవి తీసి తలుపు తీశాడు. 
గదిలో సోఫా ముందు టీ పాయ్ మీద నిత్యం పడుకునే ముందు తను చదువుకునే పుస్తకం ఉంది. బెడ్ రూమ్ లో కి వెళ్ళి స్నానం చేశాడు. టవల్ కట్టుకుని పూజా మందిరం లోకి వెళ్ళి బొట్టు పెట్టుకుని అగరు బత్తీలు వెలిగించి నమస్కారం చేసుకున్నాడు.
కప్ బోర్డు తెరవగానే డోర్ లోపల వైపు అంటించి “తన’ ఫోటో ఉంది. 
హాని మూన్ వెళ్లినప్పుడు మున్నార్ బాక్ వాటర్స్ లో బోట్ లో స్వయంగా అతనే తీసిన ఫోటో అది. తనకి చాలా ఇష్టమయినది.

నైట్ డ్రస్ వేసుకుని వచ్చి హల్లో టి‌వి ఆన్ చేశాడు. పవర్ సప్లై పోవటం తను గమనించాడు. 
మిగిలిన అన్నీ రూముల్లో సప్లయ్ ఉంది. హల్లో ఉన్న మైన్ బోర్డు లో MCB ట్రిప్ అయి ఉంది దాన్ని సరిచేసే సరికి టి‌వి సప్లై వచ్చింది. పదినిమిషాలు టి‌వి చూసేసరికి ఫోన్ మోగింది.
తనే . “మాస్టారు ఏం చేస్తున్నారు ?”
“ఇప్పుడే వచ్చి స్నానం చేసి కూర్చుని టి‌వి చూస్తున్నాను”
“mcb ట్రిప్ అయి ఉందాలే? “ పక్కనే కూర్చుని చెప్పినట్లు చెప్పింది.
“ అవును ని కెలా ?” 
“అదే మాజిక్” ఒక్క నిమిషం కిచెన్ లోకి వెళ్ళండి.”
అతను లేచి వెళ్ళేసరికి రైస్ కుక్కర్ వార్మ్ లో ఉంది. అవెన్ వార్మ్ మోడ్ లో ఉంది. తాను పవర్ సరిచేసినప్పుడు ఆన్ అయి ఉండాలి.
“అవెన్ లో కూరలు వేడి అయి ఉంటాయి. రైస్ రెడీ అయి ఉంటుంది. ఫ్రీడ్జ్ లో పచ్చళ్లు, పెరుగు ఉన్నాయి. బోజనమ్ చేయండి. అంట్లు కడగటానికి పొద్దుటే పనమ్మాయి వస్తుంది”
అతను ఏమి మాట్లాడలేదు. 
“హలో సార్ ఏమి మాటల్లేవు”
“నువ్వేప్పుడు వస్తున్నావు?”
“ఇవాళే సార్ నేను వచ్చింది. రేపు రిజిస్ట్రేషన్ పని అవోచ్చు. కానీ రేపు అమ్మ వాళ్ళు పంపక పోవచ్చు ఎల్లుండి వచ్చేస్తాను.” తను పోను పెట్టేసింది. 
రాత్రి పదిన్నరకి అతను ఫోన్ చేశాడు.
ఆమె మొదటి రింగు కె అటెండయింది.
“బబ్లూ ఏమి చేస్తున్నాడు.?”
“వాళ్ళ అమ్మమ్మ తో ఇప్పటిదాకా ఆడి ఇప్పుడే నిద్రపోయాడు”
“బబ్లూ వాళ్ళ అమ్మ ఏమి చేస్తుంది?”
అటునుండి నవ్వు. 
ఇటు మౌనం .
అటు నుండి మళ్ళీ నవ్వు. 
“మాధవి .. హాపీ ఉమెన్స్ డే. అండ్ xxx xxx xxx xxxx “
తెరలు తెరలుగా ఆమె నవ్వుతూనే ఉంది.

రెండు తర్వాత మూడే

మొదట్లో : డాలింగ్ I love you. I love you. I love you 
కొన్నాళ్ళకి : అఫ్కోర్స్ I love you 
కొన్నేళ్ళకి : ప్రేమించక పోతే ప్రపోజ్ ఎందుకు చేస్తాను 
..
బాక్ ఫ్రమ్ వర్క్ 
----------------
మొదట్లో : హాని.. ఆ యామ్ హోమ్ 
కొన్నాళ్ళకి : బాక్ ..టూ హోం 
కొన్నేళ్ళకి : ఇవాళ్ళ అమ్మ ఏమి వండుతుంది ??
..
బహుమతులు 
------------
మొదట్లో : ఈ ఉంగరం నీకు అద్బుతం గా ఉంటుంది.
కొన్నాళ్ళకి : ని కోసం ఒక పెయింటింగ్ తెచ్చాను. హాల్లో పెడదామా?
కొన్నేళ్ళకి : ఇదిగో డబ్బు. నిక్కావలసింది కొనుక్కో 
..
వంట 
-----
మొదట్లో : ఇంత బాగా వండొచ్చా?? 
కొన్నాళ్ళకి : ఇవాళ ఏమి వండుతున్నావ్?
కొన్నేళ్ళకి : మళ్ళీ ఆదేనా? 
..
కొత్త చీర 
-------
మొదట్లో : మై గాడ్ ఎంత అందంగా ఉన్నావు ఈ చీరలో 
కొన్నాళ్ళకి : మళ్ళీ కొత్తది కొన్నావా?
కొన్నేళ్ళకి : ఎంతయింది బిల్లు ??..
..
సంసారం 
-------
మొదట్లో : నిద్ర పోకూ ప్లీజ్ వచ్చేస్తున్నా 
కొన్నాళ్ళకి : అంత నిద్ర మత్తెమిటే ??
కొన్నేళ్ళకి : ఇంకా నిద్ర పోలా?

మురికి చొక్కా

ఎర్రటి ఎండలో ఎప్పుడో ఒక ఆటొ తప్ప ఏ వాహనము తిరగని మట్టి బాట వెంట 
డ్యూటీ లో బాగంగా టూ వీలర్ మీద వెళ్తూ ఉంటే ఒక కాకి నిక్కరు వేసుకున్న అతను ఉన్న ఒక్క చేతిని ఎత్తి లిఫ్ట్ అడిగాడు.
మాసిన అతని చొక్కాని, మురికిగా ఉన్న నిక్కరు ని చూసి, నాలుగు కొలోమీటర్ల దూరం వెళ్ళి.. పోయిన పని చేసుకుని బయలు దేరబోతుంటే, వెనక టైరు ఫ్లాట్ అయి ఉంది.
30 కుటుంబాలు మించని అతి చిన్న హాబీటేషన్ అది. కొద్ది మంది ఇంటికి కాపలా ఉన్న ముదుసలి వాళ్ళు తప్ప మరెవరూ కనబడలేదు. ఒక అంగన్వాడీ టీచరు, ఉన్న నలుగురు పిల్లల్తో కాలక్షేపం చేస్తుంది. 
సహజంగా ఇలాటి పరిస్తితులలో గుర్తుకు వచ్చే అనుకూలమయిన ఒక ఛోటా నాయకుడు గుర్తొచ్చాడు. ఫోన్ తీశాను. సిగ్నల్ లేదు.
టైమ్ మద్యాన్నం 1.30 దాటింది. దాహం మొదలయ్యింది. ఆకలి గుర్తుకొస్తుంది.
నడిచి వెళ్లాలన్న తారు రోడ్డు కి కనీసం రెండు గంటలు నడక ఉంది.
ఒక ఎండిపోయిన వేపచెట్టు కి కట్టిన అరుగు మీద, నీటి చుక్క రాని బోరింగు పక్కన కూర్చున్నాను. అరగంట గడిచింది. 
అంగన్వాడీ టీచరు ఒక పిల్లాడిని పంపి నాసరయ్య ని పిలిపించింది.
అతను వస్తూనే నన్ను చూసి నమస్కారం పెట్టాడు. 
వెనుక టైర్ ని సైకిలు టిబు తీసినట్లు తీసి స్టిక్కర్ వేసి సైకిలు పంపు తో గాలి కొట్టి రెడీ చేశాడు. దేవుడు ఇలాటప్పుడే గుర్తొస్తాడు ..
నేను పర్సు తీసి ఇవ్వబోతున్న వందని వంటి చేత్తో తిరస్కరించాడు. 
"మా ఊరు వచ్చే అదికార్లే తక్కువ. వచ్చిన వారు ఇబ్బంది పడకూడదు" అన్నాడు.
నాసరయ్య నిక్కరు చొక్కా మాత్రమే మురికిగా అనిపించాయి. 
చెప్పుల్లో దూరిన కాళ్ళ వెళ్ళు లెక్కపెట్టుకుంటూ బండి స్టార్ట్ చేశాను.#susri

షాపింగ్ .. షాపింగ్

“ఊహూ .. ఆ పై అరలో ఊదారంగు చీర తియ్యండి”
అప్పటికే ఒక యెనబై చీరలు చూసి ఉంటుంది ఆమె. 
సేల్స్ గర్ల్ కి విసుగ్గా ఉంది 
కానీ మొహం లో అది కనబడనియ కుండా, 
మెట్లు ఏర్పాటు ఉన్న స్టూల్ ఎక్కి ఆ రంగు చీర తీసింది.
..
బస్టాంట్ దగ్గరగా ఉన్న ఏసీ వస్త్రాలయం . ఖరీదయిన చీరలు కి పెట్టినిల్లు.

గంట క్రితం వచ్చిందామే. ఆమెతో వచ్చిన 
ఆరేడు ఏండ్ల చిన్న పిల్లాడు మ్యాంగో జూస్ రెండు గ్లాసులు తాగి,
సెల్ లో గేమ్స్ ఆడుతున్నాడు. 
..
“దీని పమిట డిజైన్ చూపించండి” సేల్స్ గర్ల్ చీర మడతలు విప్పి, 
"ఇది లేటెస్ట్ డిజైన్ మాడమ్, బ్లౌస్ పీస్ కూడా ఇందులో ఉంది కావాలంటే కట్ చేసి కుట్టించుకోవచ్చు లేదా ఇలానే ఉంచి మరో డిజైనర్ బ్లౌస్ తీసుకోవచ్చు”
..
“దీంట్లో రెండు షేడ్స్ వస్తున్నాయి కదా ఆ మోడల్ లేవా?” ..
క్షుణ్ణంగా పరిశీలించాక అడిగిందామే.
సేల్స్గ గర్ల్ కి విసుగొచ్చింది. హమ్మయ్య సెలెక్షన్ అయిపోయింది అనుకోవటం 
చివర్లో మరేదో లేదా అని అడగటం, గంట నుండి అన్నీ కుప్ప పడేయించింది. 
ఇవన్నీ తిరిగి సర్దుకోటానికే మరో గంట ఖాయం గా పడుతుంది.
..
“వెనక్కి తిరిగి పై రాకు లోని మరి కొన్ని చీరలు తీసి చూపించింది. ..
ఈ కలర్స్ ఇప్పుడు ఫాస్ట్ మూవింగ్ మాడమ్. హాఫ్ జెరీ వి. 
ఎప్పటికయినా జరి వరకు అమ్మినా సంగం పైగా డబ్బులు రిటన్ వస్తాయి” 
ఆ ఆమ్మాయి ఆశగా చెప్పింది.
..
ఇంతలో పిల్లాడి చేతిలో సెల్ మోగింది. ..
..
ఈమే అందుకుంది . 
“ఏమండీ వచ్చారా? ఎండ మండి పోతుంది. బస్సు దిగి గంటయింది. 
ఇప్పుడా మీరొచ్చేది. అక్కడే ఉండండి పక్కనే ఉన్నాను ‘ ..
సెల్ ఆపి “రే బాబు నాన్న వచ్చారు పోదాం పద “ 
ఆమె క్షణాల్లో మాయం అయింది.