ఎర్ర చొక్కా

ఎర్ర చొక్కా 
-----------
మావీదిలో ఎవరయినా ఎగుడు దిగుడు గా చొక్కా గుండీలు పెట్టుకుని , 
గాలి పటాలు ఎగరవేస్తునో, 
ఇటుకరాయికి తాడు కట్టి బస్సులాగా సౌండు తో సహ లాగుతునో, 
రోడ్డు మొదట్లోని బంకు వద్ద నుండి రెండు ఇడ్లీల పోట్లాన్ని ముద్దు పెట్టుకుంటూ నడుస్తునో ..
ఒక గజం ఎత్తు పిల్లాడిని మీరు గమనిస్తే వాడే బాలాజీ . 
.
బాలాజీ మా వీది చివర్లో ఉన్న వర్కింగ్ క్లాస్ ఉండే రేకుల ఇంట్లో
అద్దెకుండే తల్లి, తండ్రి ,చెల్లళ్లతో ఉంటాడు. 
వాడి తండ్రి ని మీరు ఎప్పుడయినా తాగని స్థితిలో చూడాలంటే 
కనీసం నెల రోజులు అక్కడే కాపు వేయాలి.
.
తల్లి నాలుగు ఇళ్ళల్లో పాచి పనో, పక్క ఊరిలోని వ్యవసాయ పనులో 
చేసి పొయ్యిలో పిల్లి పడుకోకుండా కాలం వెళ్లదీస్తుంది. 
అలాటి బాలాజీ కి ఒక పెద్ద సమస్య వచ్చింది.
.
మా వీడి లోనే సాయి బాబా ఛారిటీ స్కూల్ లో చదువుతుంటాడు వాడు. 
ఆ స్కూల్ ప్రిన్సిపల్ పేరు ఓబులరెడ్డి మాస్టారు. 
వాడా స్కూల్ లో చదవటానికి ప్రదాన కారణం . అక్కడంతా ఉచితం. 
బోదనా రుసుం ఉండదు. మద్యాన్న బోజనమ్ ఉచితం.
పుస్తకాలు , పలకలు, బలపాలు ఇస్తారు , సాయంత్రం బిస్కెట్ లు లాటివి ఇస్తారు .
ఇక గురువారాలు సరే సరి. లాయరు పేట సాయిబాబా గుడి నుండి 
అనేక రకాల ప్రసాదాలతో పిల్లలందరికి వడ్రసోపితమ్. 
సంవత్సరానికి రెండు జతలు బట్టలు కూడా ఇస్తారు.
ఆ రెండు జతల బట్టలు, తల్లి పనిచేసే ఇళ్ళలో ఎవరయినా ఇచ్చిన పాత బట్టలు వాడి ఆహార్యం.
.
ఒక పొడి రోజు తండ్రి, కొడుకుని ముద్దు చేస్తూ .. 
మా ఆబ్బాయికి ఈ సారి పండక్కి కొత్త చొక్కా కుట్టియ్యాలి అన్నాడు.
సరిగ్గా వాడి ఆదిదే.. 
.
తల్లి “బులుగు చొక్కా కుట్టిచ్చు వాడికి బులుగు మీది పులంటే చాలా ఇష్టం” అంది...
.
“ఆహా నాకు ఎర్ర చొక్కా కావాలి ,, నాలుగు జేబులు ఉండాలి,
పెద్ద కాలరు , మూడు పెద్ద గుండీలు “ బాలాజీ చెప్పాడు
అప్పుడప్పుడు ఓబులురెడ్డి మాస్టారి ఇంట్లో టి‌వి లో చూసిన 
పాత జేమ్స్ బాండ్ సినిమాలో ఒకాయన వేసుకున్న చొక్కా వాడికి గుర్తొచ్చింది.
.
సరే రా అన్నడా తండ్రి. ఖచ్చితంగా కుట్టిస్తాను అని హామీ ఇచ్చాడు.
.
బాలాజీ ఇక ఎవర్ని వదల్లేడు , 
తాతా మానాన్న ఎర్ర చొక్కా కుట్టిత్తా నన్నాడు,
నాలుగు జేబులు , పెద్ద కాలరు మూడు పెద్ద గుండీలు .. .
అవ్వా మా నాన్న.. సారు మా నాన్న .. మేడమీద ఆంటీ మానాన్న , 
బజార్ బజారంతా చెప్పేశాడు. స్కూల్ మొత్తం చెప్పాడు. 
తోటి పిల్లలందరికి ఎర్ర చొక్కా గురించి చెప్పాడు ,
మా వీదిలో కూరగాయలమ్మే అవ్వ నుండి ,
పాత సామానుకి ఉల్లి పాయలు ఇచ్చే వాడిదాకా అందరికీ వాడి ఎర్ర చొక్కకి ,
నాలుగు జేబులు, పెద్ద కాలరు , మూడు పెద్ద గుండీలు ఉంటాయని తెలిసి పోయింది. 
.
అలాటి బాలాజీ తండ్రి , తల్లి రోజు మాదిరిగానే ఆ రోజు పోట్లాడుకున్నారు. 
మామూలు గానే తిట్టు కున్నారు . 
మాములుగానే బయట అరుగుమీద పడుకున్న
బాలాజీ తండ్రి మర్నాటి ఉదయానికి కనబడలేదు. 
ఎక్కడికి వెల్లాడో ఎవరు గమనించలేదు.
మరెప్పుడు అతన్ని ఎవరు చూడలేదు. .
.
చానాళ్ళు బాలాజీ తల్లి మానంగా ఉండి పోయింది. 
అయ్య ఎక్కడి కి పోయాడు అని చాలా సార్లు బాలాజీ అమ్మ ని అడిగాడు
కానీ మౌనమే ఆమె సమాదానం అయ్యింది. 
.
గుండ్రని రంగు గోళీల లాటి వాడి కళ్ళు .. 
రంగులు కోల్పోవటాన్ని , గమనించింది ఒక్క ఓబులురెడ్డి మాస్టారే.
.
అలా చాలా రోజులు గడిచాక ..
గతం లో బాలాజీ చాలా కాలం కలలు కన్నపెద్ద పండగ రానే వచ్చింది...
.
ఆ ఉదయం బాలాజీ నిద్ర లేచే లోగా ఓబులరెడ్డి మాస్టారు వాడి ఇంటికి వెళ్లారు. 
.
వాడిని నిద్ర లేపి తన చేతి లో పొట్లం చించి ఎర్ర చొక్కా, చూపించాడు.
పెద్ద కాలరు , నాలుగు జేబులు , మూడు పెద్ద గుండీలు ...
.
బాలాజీ కళ్ళు ఒక్క సారిగా మెరిసి తిరిగి మామూలయ్యాయి.
.
“మా అయ్యా ఇక రాడా ? “
.
వాడి ప్రశ్న కి సమాదానం ఎవరి వద్దా లేదు..
frown emoticon frown emoticon frown emoticon

నేను యేడ్చాను

నేను యెడవటం చాలా అరుదు.. 
మగవాడు ఏడవటం నామోషి అని విన్నందున కాదు. 
నేను నిజాన్ని త్వరగా మనసులోకి తీసుకుంటాను కనుక..
బాద పడతాను,, కానీ ఏడవలేను..
.
అయితే నేను ఎడ్చాను. 30 వ యేట..
దాదాపు ఒక రోజంతా.. దిండు తడిచి పోయింది.
కన్నీరు కరగటం ఆగలేదు . అసలు అంతా వేదన నాలో ఉందని తెలీదు.
నాన్న ని నేను అంతలా ప్రేమిస్తున్నానని తెలీదు.
అసలు ప్రేమ కి ఇంత వేదనా బరితమయిన ముగింపు ఉంటుందని తెలీదు.
.
ఆయన పొట్టిగా ఉంటారు. కానీ గట్టిగా ఉంటారు .
వేగంగా నడుస్తారు. 40 ఏండ్లు ఉపాద్యాయ వృతి లో కొనసాగారు .
రెండు పూటలా స్నానం బగవత్ నామ స్మరణ
(శ్రీ మత్ విరాట్ పోతులూరి వీర భ్రమ్మెంద్ర స్వామి వారి వీర బక్తులు ),
నియమ నిష్టల జీవితం. కట్టుబాట్లు , మడి, ఆచార వ్యవహారాలు
మమ్మల్ని ఎవరు మా కులం చెబితే తప్ప ఊహించరు.
మా చిన్న వయసులో మా అమ్మ ని ఇంట్లోకి రానిచ్చే వారు కాదు.
ఆ కొద్ది రోజులు ఆయనే వంట చేసేవారు.
రిటైర్ అయ్యాక ASSIST అనే వాలంటరీ సంస్థ లో రాయవరం (మార్కాపురం )
వద్ద పలక కార్మికుల పిల్లలకి నాన్ ఫార్మల్ ఎడ్యుకేషన్ నిర్వహిస్తుండేవారు.
ఎప్పుడు ఎంతో హుషారుగా ఉండే ఆయన మెత్త బడ్డారు 66 వ ఏట.
.
నల్లగా మారిన మలాన్ని పరీక్ష చేయించాక కానీ
రోజు లోపల ఎక్కడో రక్తం కలుస్తోంది అని అర్ధం కాలేదు.
నిపుణూలయిన వైద్యుల సలహాతో గాస్త్రోస్కోపీ చేయించాము.
అన్నవాహిక నుండి పెద్ద పేగు మొదలయ్యేచోట (డియోడ రిన్) కేలీఫ్లవర్ లాటి గ్రోత్..
ప్రాధమికంగాను , పలు పరీక్షల తర్వాత రంగారావు గారు నిర్ధారించిన వ్యాది
.
“C A N C E R”
.
ఆ సాయంత్రం యేడిచాను. రాత్రంతా యేడిచాను. మిగిలినది ఉదయం యేడిచాను ..
.
వెంటనే ఆయనకీ GJ చేయాల్సి ఉంది అని .
దానికి పూర్వమే పోయిన రక్తాన్ని హెచ్‌బి పర్సెంట్ కనీసం
50 శాతం ఉండేంత వరకు రక్తం ఎక్కించాలని డాక్టర్ గారు చెప్పారు.
నాన్న ఎప్పుడు చెప్పే మాటే ఆయన బ్లడ్ గ్రూప్ కావటం యాదృచ్చికం. బి పాజిటివ్ !!!
.
రెగ్యులర్ డోనర్ల వద్ద కాకుండా , RSS, NCC లాటి వారి సహకారం తో
దాదాపు ఎనిమిది బాటిల్ల రక్తం ఆరు వారాల్లో ఎక్కించి ఆయన్ని సర్జరీకి సిద్దం చేశాం.
సర్జరీ రోజు మా అక్క, నా ప్రాణ స్నేహితుడు మాదాల భ్రమయ్య, రక్త దానం చేశారు.
.
ఆ సాయంత్రం రంగారావు డాక్టరు గారు చెప్పారు.
పొట్టలో చాలా బాగం వ్యాప్తి చెంది ఉంది. సర్జరీ నుండి బయట పడతారు..
ఏది ఏమయినా మరో మూడు నెలలు మించి కష్టం.
.
ఒక కాలిన ఇనుప కడ్డిని శరీరంలో దుర్చి బయటకి లాగి నట్లు అనిపించింది.
.
నేను ఎడ్చాను. దాదాపు ఒక రోజంతా.. దిండు తడిచి పోయింది.
కన్నీరు కరగటం ఆగలేదు . అసలు అంతా వేదన నాలో ఉందని తెలీదు.
నాన్న ని నేను అంతలా ప్రేమిస్తున్నానని తెలీదు.
అసలు ప్రేమ కి ఇంత వేదనా బరితమయిన ముగింపు ఉంటుందని తెలీదు.

పాపం -పెద్దాయన

రాకేశ్ మాదాల వీకెండ్ కి ఫ్రెండ్స్ తో కలసి
చిన్న పార్టీ ఏర్పాటు చేసుకున్నాడు.
పార్టీ అంటే పెద్ద పార్టీ ఏమి కాదు .
డెలివరీకి బార్య పుట్టింటికి వెళ్లటంతో .
ఇంట్లో నే పాక శాస్త్ర నిపుణులతో మంచి నాన్ వెజ్ ఐటెమ్స్ చేయించుకుని, 
ఇష్టమయిన డీవీడీ లు కార్డ్స్, గేమ్స్ , గాసిప్స్, పాత ఫ్రెండ్స్ కి ఫోన్లు .....
.

పక్కనే టచ్చింగ్ తో గాంగ్ అంతా కలిసి కార్డ్ ఆడుతున్నప్పుడు...
కాలింగ్ బెల్ మోగింది...
రాకేశ్ వచ్చి తలుపు తీశాడు..
.

లాల్చీ పైజమా వేసుకున్న ఒక పెద్ద వయస్కుడు..సన్నగా పొడవుగా..
"ఎవరు కావాలి?"
"బాబు నువ్వు మాదాల భ్రమయ్య కొడుకువేగా? "
కీర్తి శేషుడయిన తండ్రి పేరు చెప్పేసరికి రాకేశ్ అలర్ట్ అయ్యాడు.
రండి కూర్చోండి.అంటూ ముందు గదిలోకి ఆహ్వానించాడు.
.
వాటర్ తాగుతారా అంకుల్?
"లేదు బాబు .. నేను మీ నాన్న గారు అప్పట్లో దోర్నాల లో పనిచేసే వాళ్ళం "
చిన్న నాప్కిన్ తో ముఖం తుడుచుకుంటూ చెప్పాడాయన.
.
పెద్ద కుటుంబం అప్పట్లో ఆర్ధిక ఇబ్బందులు ... ఒక్క నిమిషం ఆగాడు ఆయన.
'మీ నాన్న చొక్కాలోంచి ఆయనకి తెలియకుండా 230 రూపాయలు తీశాను."
అలా చాలామంది మిత్రుల నుండి పది పరక ... తప్పని సరి పరిస్థితులు ..
అతని గొంతు వణికింది. తల దించుకుని మాట్లాడుతున్నాడు.. చిన్న గొంతుతో ..
....
ఇప్పుడు రిటైర్ అయ్యాను . పిల్లలు సెటిల్ అయ్యారు.
నేను డబ్బు తీసుకున్న అందరి పేర్లు అమౌంట్ వ్రాసిపెట్టుకుని ఉన్నాను
జేబులోంచి చిన్న పస్తకం తీశాడు ఆయన.
దాంతో పాటు ఒక వెయ్యి కాగితం. ...
.
ఎవరి డబ్బు వారికి ఇచ్చేస్తే గాని మన శాంతి ఉండదు.. 230 తీసుకో బాబు
ఆయన వెయ్యి నోటు ముందుకు చాపాడు.
.
రాకేశ్ కి నోట మాట రాలేదు.
" పాపం .. జరిగినది ఏదో జరిగింది..
వదిలేయ్యండి అంకుల్ మర్చి పొండి. పెద్ద మొత్తం కూడా కాదు ."
.
అతను చేతులు పట్టుకోబోయాడు.
కాదు నాయనా నన్ను అపరాధభావం వృద్దాప్యం లో వెంటాడుతుంది
నువ్వు తీసుకోకోపొతే ఎప్పటికీ నేను బాదపడుతూనే ఉండాల్సి వస్తుంది. .
.
కొద్దిసేపట్లోనే ఆయన పట్టు వదలడని తెలుసుకున్న రాకేశ్
లోపలికి వెళ్ళి 770/- తెచ్చి ఇచ్చి 1000 తీసుకున్నాడు.
..
తలుపు వేసి లోపలికి రాగానే మిత్రులతో నవ్వుతూ
ఇలాటి వాళ్ళు కూడా ఉంటారా? అంటూ వెయ్యి కాగితం చూపించి జరిగినది చెప్పాడు.
చాపల పులుసులో చపాతీ నానబెట్టి తింటున్న బాంకు కాషియర్ మిత్రుడు,
.
"ఆరే రాకీ ఇది దొంగ నోటురా " వేళ్ళు నాక్కుంటూ చెప్పాడు.
smile emoticon grin emoticon tongue emoticon

అక్షయ తృతీయ

ఈ అక్షయ తృతీయ కి మా గుండమ్మ కి ,
లాకర్ లో ఉన్న ఏదో ఒక నగ తెచ్చి
తాను అలంకరించుకుని ఆనందిస్తే చూద్దామని అనిపించి
తనతో చెప్పకుండా ఒంటరిగా బాంకు లాకరుకు వెళ్ళాను.
.

మేము ఇద్దరం కాకుండా ఒంటరిగా లాకర్ కి వెళ్ళటం అత్యంత అరుదు.
.

ఈ మధ్య బాంకు ని ఆదేరోడ్డు లో మరో బిల్డింగ్ కి మార్చిన కారణంగా ..
లాకరు లో ఉన్ననగలని ఒకసారి వివరంగా చూద్దామనిపించి ,
లాకరు ముందు బాశా పట్లు వేసుకుని కూర్చున్నాను.
.

ఒక్కో ఐటెమ్ తీసి చూస్తూ వుంటే,
లోపల ఒక మీడియం సైజు జిప్ బాగు నిండుగా కనిపించింది.
క్యూరియాసిటీ తో దాన్ని ఓపెన్ చేశాను..
.

1988 లో మా పెళ్ళయిన కొత్తలో,
తాను పుట్టింట్లో ఉన్నప్పుడు నేను రాసిన ఉత్తరాల దొంతర.
చాలా శ్రద్దగా మడిచి పెట్టి కనిపించాయి .. వాటితో బాటు ..
ఇక చిన్న పర్ఫ్యూమ్ బాటిల్ ..
అదీ నేను బహుమతిగా ఇచ్చిందే..
.

కొద్ది నిమిషాలు .. మనసు బరువెక్కింది.
ఎన్ని సంవత్స రాలు గడిచి పోయాయి.
దాదాపు 27 ఏండ్లు..
ఇన్నాళ్ళు తను ఎంత పదిలంగా దాచుకుంది.
నాకు పిల్లలకి తెలియకుండా?
.

నేను తిరిగి లాకర్లో అన్నీ సర్ది ,
ఏమీ తేకుండానే బయట కొచ్చాను.
అటునుండే నేరుగా ఆఫీసుకి వెళ్ళాను
.

మద్యాన్నం ఆఫీసులో తినటానికి తెచ్చుకున్న లంచ్ బాక్స్ ..
తినకుండానే బండి తీసి ఇంటి కొచ్చాను.
.

ఆశ్చర్య పోయిన తనని
“ బోజనమ్ చేశాక సాయంత్రం గోల్డ్ షాప్ కి వెళదామా?” అడిగాను.
.

“వద్దు.. పొద్దుటనగా వండి పెట్టిన చల్లటి అన్నం తినటం ఎందుకు.
ఒక్క పది నిమిషాలు టి‌వి చూస్తూ ఉండండి గిద్ద బియ్యం వండుతాను ..
మజ్జిగ పులుసు చేస్తాను.. ఇద్దరం కలిసి బోజనమ్ చేద్దాం “ అంది.
.

రాస్కోరా సాంబా “ సుశ్రీ కి .. గుండమ్మ అంటే గుండె కాయ లెఖ్ఖ .” ____feeling blessed. grin emoticon

ఆరాధన

1996 ఏప్రియల్ 27 నిన్ననే ఒంగోలు పార్లమెంటు బై ఎలక్షన్లు ముగిశాయి.
వైశాఖ శుద్ద దశమి ఈ రాత్రి కి ఆరాధన ఘడియలు ప్రారంభం.
(తిరిగి 19 యేండ్ల తర్వాత 2015 యెప్రియల్ 27 న కూడా రాత్రి 9-45 కి ప్రారంభం )
.
సాయంత్రం కాంపు నుండి రాగానే తాళ్ళూరు లో ఉన్న మా పాత పెంకుల ఇంటి నుండి
ఒంగోలు లో ఉన్న అమ్మా నాన్న వద్దకు వెళ్ళటానికి రెడీ అయ్యామ్.
జీన్సు పేంటు మీద పొడవాటి లాల్చీ వేసుకుని తలుపు వెనక ఉన్న
చెప్పులు కోసం వంగి తీసుకుని లేస్తుంటే ..
లాల్చీ జేబుకు ఇనప హుక్ పట్టుకుని నిలువుగా చినిగింది.
.
మరో చొక్కా మార్చుకుని బజాజ్ M-80 బండి మీద నేను, రమా,
గజం పొడవున్న మా పెద్దమ్మాయి , అరగజం ఉన్న చిన్నమ్మాయి ని తీసుకుని
ఒంగోలు వచ్చాను..రాత్రి ఎనిమిధి దాటింది.
.
నాన్న అమ్మ ఒంగోల్ శర్మా కళాశాల వెనుక కొంత బాగం అసంపూర్తిగా
ఎక్స్టెండ్ చేసిన ఇంటి లో ఉన్నారు. నాన్న కి GJ (అన్నవాహిక నుండి పెద్ద పేగు కి
మరో మార్గం ఏర్పాటు చెయ్యటం ) జరిగి ఎనిమిది నెలలు దాటింది.
ఆ గాయం పూర్తిగా మానలేదు. ముడునెలలు మించి ఆయన ఉండరు
అని చెప్పిన బేతున్ నర్సింగ్ హోమే డాక్టర్ రంగారావు గారి ఊహాను వమ్ము చేస్తూ.. ఆయన ఉన్నారు. నిత్యం ఆయన పూజించే వీరబ్రమేంద్ర స్వామి వారిని రోజు లో ఉదయం ,
సాయంత్రం అంత అశక్తత తోను పూజిస్తూనే ఉన్నారు.
.
మేము వెళ్ళేసరికి అమ్మ నాన్న కి మరో మారు శుబ్రమ్ చేస్తూ ఉంది.
ఆ ఎనిమిదిన్నర నెలల్లో ఆయన బట్టల్లో బయటకి వెళ్ళటం అదే ప్రదమం .
.
అమ్మ నేను ఇద్దరం కలిసి ఆయన పంచ మార్చి పడుకోబెట్టాము.
నాన్న మాట్లాడలేక పోయటం నేను గమనించాను.
.
ఆరాధన గడియలు వచ్చాయి.
వీరభ్రమ్మెంద్ర స్వామి వారికి నైవేద్యం పెట్టటానికి అమ్మ
మడి కట్టుకుని పొయ్యి మీద పొంగలి పెట్టింది.
రమ అప్పటికే అల్సిపోయిన పిల్లలిద్దర్ని నిదర పుచ్చుతుంది.
మద్య మధ్యలో అమ్మ నాన్న వద్దకు వచ్చి చూస్తూనే ఉంది.
నేను నాన్న రాసుకునే డైరీ చూశాను .. 24 వ తేదీ సాయంత్రం వరకు రాసి ఉంది.
.
హటాత్తుగా అమ్మ పిలిసింది ..వాసు అంటూ ..నాన్నని ముట్టుకుని చూడు అంది.
.
నాన్న చల్లగా అవుతున్నారు.
రమ దగ్గరకి వచ్చింది. మేము ఆయన వైపు చూస్తున్నాం.
నిస్తేజమయిన ఆయన కళ్ళలోంచి మెరుపు మమ్మల్ని వదలి వెళ్లిపోయింది.
.
మాకు అర్ధం అయ్యింది.
ఎనిమిది నెలలుగా ఆయన మమ్మల్ని వీడుతున్నారని తెలుస్తూ ఉండటం వల్ల
హటాత్తుగా మాకేవరికి ఏడుపు రాలేదు గాని ,,
ఒక విపరితమయిన బాధ ,,, ఒంటరితనం ఒక తీతువు పిట్టలా ..
.
నేను నిజాన్ని త్వరగా తీసుకుంటాను.
కనుక వెంటనే కోలుకున్నాను. బండి మీద నా ప్రాణ స్నేహితుడు మాదాల బ్రహ్మయ్య
ఇంటికి వెళ్ళాను. వాడు అప్పుడే ఇంటికొచ్చినట్లున్నడు.
చొక్కా విప్పి హంగర్ కి తగిలిస్తున్నాడు.
.
“రేయ్ బ్రహ్మం ..” నేనేమీ మాట్లాడ కుండానే వాడికి అర్ధమయి పోయింది.
అదే చొక్కని వేసుకుని చెప్పుల్లో కాళ్ళు దూర్చి పద అన్నాడు.
బండి నేను తోలబోతుంటే ..” వెనక కూర్చోరా” అని తానే బండి తీసి మా ఇంటి దారి పట్టాడు.
.

ఇంటికెల్లే సరికి చుట్టూ పక్కల వాళ్ళు కొంతమంది పోగయి ఉన్నారు.
నాన్న ని మంచం మీద నుండి నేలన దించి ఉన్నారు
తల వద్ద ఒక దీపం వెలిగించి ఉంది. ఆగరోత్తులు వెలుగు తున్నాయి.
.
అప్పుడు గమనించాను అమ్మ మొఖం లో దుఖం. .
అలాటి వేదన తల్లి ముఖం లో చూడాల్సి రావటం ఒక దురదృష్టం.
నాన్నని మా స్వగ్రామం తీసుకెళ్లాలి. అక్కడే ఆయన పార్ధివాన్ని ఉంచాలి.
.
నా మరో మిత్రుడు గోపి శ్రీనివాసరావు ని వినుకొండలో ఉండే అక్క, బావలని.
తాళ్ళూరు తీసుకురమ్మని పంపాను. అంత రాత్రి వేళ మరో మిత్రుడు ముజీర్ తో
కలసి వినుకొండ బయలు దేరాడు.
.
బ్రహ్మం నేను ఇద్దరం బజారు వెళ్ళాం. .
నిన్నటి వరకు ఎలక్షన్ కోసం తిరిగి డ్రైయివర్లు బాగా అలసి పోయి ఉన్నారు.
ఎంత ఇచ్చినా తాళ్ళూరు వచ్చేలా లేరు.
అతి కష్టం మీద రెట్టింపు బాడుగకి ఒక అంబాసిడర్ మాట్లాడాము .
.
నాన్నని వెనుక సీట్లో (డిక్కి లో కాకుండా ) పడుకోబెట్టు కోటానికి అతను అంగీకరించాడు..
ప్రతి పది నిమిషాలకి ఒక సారి ముఖం చల్లని నీటితో కడుక్కుంటూ.
అతి కష్టంగా, జాగ్రత్తగా కారు తోలుతున్నాడు.
.
కారు ముందు సీట్లో పిల్లలతో రమ , వెనుక సీట్లో అమ్మా నేను నాన్నతో ...
మా భ్రమ్మం గాడు నా m-80 బండి మీది ముందు త్రోవ చూపిస్తూ వెళుతుంటే ..
వెనుక మా కారు. ఆ చీకట్లో మా స్వగ్రామం తాళ్ళూరు వయిపు ...
.
వెల్లంపల్లి నుండి తెల్లపాడు దొడ్డ వరం మీదుగా వెళ్ళటానికి .
మెటల్ రోడ్డు మీదికి తిరిగే సరికి మా ముందు ఒక లారీ వెళుతుంది.
ఎంత సేపు డ్రయివర్ హరను కొట్టినా ఆ లారీ తప్పుకోలేదు.
ఆ లారీ వెనుక రాసి ఉన్న వాక్యాన్ని నేను చదివినదాకా ..
.
మానాన్ననాతో చెబుతున్నట్టుగా అనుకుంటూ ఉండగానే .
ఆ లారీ మాకు త్రోవ ఇచ్చింది. ఆ మాట
.
It’s my end. Not your’s

సర్వైశ్వర్య సిద్ది యంత్రము

హాస్పటల్ లో అర్ధో సర్జరీ చేయించుకున్న మిత్రుడిని పరామర్శించడానికి
బండి మీద నేను మరో మిత్రుడి తో కలిసి వెళుతున్నాను.
త్రోవలో తనకి కావాల్సిన లగేజి రెండు చేతుల్తో పట్టుకుని వెనుక మిత్రుడు
నాలుగు కొబ్బరి బోండాలు పార్సిల్ కట్టించుకుని
ముందు టాంకు మీద బాలన్స్ గా పెట్టు కుని నేను 
.
హటాత్తుగా వర్షం మొదలయ్యింది. ఊహించని వర్షం...
బొటని వ్రేలుకు గ్రిప్ లేని చెప్పుల్లాంటి షూ వర్షానికి తడిచి జారుతున్నాయి.
బట్టలు తడవటం మొదలయ్యింది. ఫాంటు జేబులో సెల్ ఫోను ఉంది.
కళ్ళజోడు మీద చుక్కలు ఇబ్బంది కలిగిస్తున్నాయి.
బ్రేక్ డ్రమ్స్ అరిగిన వెనుక బ్రేకులు, కేంద్ర ప్రభుత్వం లాగా పట్టీ పట్టనట్టుగా ఉన్నాయి.
మెయిన్ రోడ్డు కూడలి వద్ద రెడ్ లైట్ వెలిగింది.
కష్టం మీద బండి ఆపాను.
..
తిరిగి గ్రీన్ లైట్ వెలిగే సరికి బండి స్టార్ట్ చేశాను.
జేబులోంచి సెల్ ఫోన్ మోగింది.
ముందు టాంక్ మీద కొబ్బరి బోండాలు సరిగా కూర్చోక ఒకపక్కకి వరుగుతున్నాయి.
పోను రింగు తో పాటు .. వైబ్రేషన్ మొదలయ్యింది.
..
రోడ్డు దాటాక ఒక పక్క బండి ఆపుతుంటే .
వెనుక నుండి ఆటో ఒకటి వేగంగా రాంగ్ సైడ్ లో వచ్చింది.
కింద పెడుతున్న కాలు జారీ రోడ్డు వారగా మేమిద్దరం పడి పోయాం.
పోను సౌండ్ ఎక్కువయ్యింది. ఫోన్ తీశాను.
..
" మీరు అదృష్టవంతులు.. మీ నెంబరు మా లక్కీ డీప్ లో బహుమతి పొందింది.
సర్వైశ్వర్య సిద్ది యంత్రము, తాయెత్తు 3000 ఖరీదువి మీకు కేవలం 750 కే..."
అదృష్టాన్ని దులుపుకుని ఇద్దరం బండి లేపి నిలబెట్టాము.

ఆ పిల్లేవరోగాని మాదగ్గర కొస్తే 300 వందలకే 30 ఇస్తాం frown emoticon

అజెండా చివరి ఐటెమ్ అదిరింది.

ఈ ఉదయాన్నే ఒక మార్కెట్ కాంప్లెక్స్
(చిన్న షాప్ మనకీ ఉంది)
జనరల్ బాడీ మీటింగ్ కి వెళ్ళాను సాయి తో కలసి..
.
350 మండి సభ్యులకి గాను 150 మంది మాత్రమే అటెండ్ అయ్యారు...
.
అందరి హాజరుతో బాటు ఒక వెండి వెంకన్నని( 25 గ్రాములు ) గుర్తుగా ఇచ్చారు.
పాత కమిటీని కొత్త కమిటీ ,, కొత్త కమిటీ ని పాత కమిటీ బాహాబాహీ తలకపోసున్నాక..
.
సభ్యుల గైరు హాజరు పై అసంతృప్తి... ప్రకటించి.. రెండు ఏండ్ల ఆడిట్ అప్పచెప్పి
ముఖ్యమయిన విషయాలని .. మూడు ముక్కల్లో చెప్పి,
ఎవరికి మాట్లాడే అవకాశం ఇవ్వకుండా....వందన సమర్పణ చేశారు...
.
.
(ఒక్క మాటలో చెప్పాలంటే అచ్చుమన .. అసెంబ్లీ ప్రత్యక్ష సమావేశాల లాగే )....
.
రెండు నిమిషాలు ఏమి మాట్లాడానో అర్ధం కాకుండా చప్పట్లు మిగిలేట్లు నేను మాట్లాడాను..
"మిగిలిన అంధరి తో గుర్తింపు కోసం మాట్లాడి నట్లున్నారు" సాయి అడిగాడు.
he is getting smart. అయిమూలగా తాలూపాక ..

ఉచిత 5 mpbs వైఫై సౌకర్యం మీటింగు జరిగినంత సేపు ఉంటుంది అని.
ఆహ్వానం లో వేయిస్తే కనీసం 300 దాటేవాళ్లు.. అని ఒక సలహా కూడా చెప్పాడు.
షాపుల దరవరలు ఎలా ఉన్నాయో గుసగుస లాడుకుని 3.15 కి కారు తీశామ్..
.
.చివర్లో మంచి బోజనమ్ పెట్టించి పంపారు..
.
అన్నట్టు మొదట్లో సర్వ్ చేసిన మసాలా బోండా,
చివరాఖర ముగింపులో ఇచ్చిన ఫ్రూట్ సలాడ్ ఐస్ క్రీమ్ ఆదిరాయి . బ్రేవ్ ..grin emoticon