Monday, 4 March 2019

సెక్షన్ 90


అర్దరాత్రి దాటింది.
మంచి నిద్ర లో ఉన్న ఆడిటర్ CA Satish ఫోన్ మోగింది.
తమ రెగ్యులర్ కస్టమర్ వెంకట్రావ్ నుండి.
ఆడ్ టైం లో అంత అవసరం ఎమొచ్చిందో అనుకుంటూ “హలో” అన్నాడు.
“సతీష్ బాబూ..ఈ సంవత్సరం మొత్తం ఎనబై రెండు వేలు టాక్స్ కట్టించావ్ నాచేత.” డైరెక్ట్ గా విషయం లోకి వచ్చాడు వెంకట్రావ్.
“ఇప్పుడేమయింది.వెంకట్రావ్ గారూ?”
“సెక్షన్ 90 కింద పన్ను రాయితీ ఇప్పించలేదు.”
“అది 90 కాదు 80 C అండీ. అది కూడా మాక్సిమం క్లెయిమ్ చేసి ఉంటాను.”
“లేదు నేను ఇప్పటి వరకు బాలన్స్ షీట్ చెక్ చేసాను.”
“ఒక వేళ పొరపాటున క్లెయిమ్ చెయ్యక పోయినా మనం సప్లమెంటరీ రిటర్న్స్ వెయ్యొచ్చు. ఎక్కువ కట్టిన డబ్బు మీ ఎకౌంటు కి క్రిడిట్ అవుతుంది. పొద్దుటే ఆఫీస్ కి రండి చెక్ చేద్దాం.”
“అబ్బే. నేను థరో గా చెక్ చేసాను. మొత్తం ఎనిమిది వేల మూడు వందల రూపాయలు ఎక్కువ టాక్స్ కట్టాను.”
సతీష్ కి విసుగొచ్చింది. అయినా ప్రొఫెషనల్ ఓపిక తో “రేపు చెక్ చేద్దాం.” అన్నాడు.
“ఎక్కువ కట్టిన టాక్స్ వెనక్కి వస్తుందా?”
“డెఫినెట్ గా వస్తుంది.”
“వచ్చాక తీసుకుందురు. ఇప్పుడొక పావుగంట లో అప్సర బార్ అటెండర్ వస్తున్నాడు. ఒక మూడు వేలు ఇచ్చి పంపించండి. లేక పొతే రేప్పోద్దుట మీ ఆఫీస్ కి రాలేను.”

No comments: