Wednesday 14 June 2017

ప్లాన్ 'A'

ఆదివారం ఉదయాన్నే రఘుపతి గుంటూరు నుండి నేరుగా వచ్చేశాడు. 
మస్తాన్ ఇడ్లీ తిన్నాక పిచ్చాపాటి మాట్లాడుకున్నాం. 
“ పాంచజన్య ఎలా ఉన్నాడు?”
“వాడికేం? బావున్నాడు గురుజీ”
“ఇప్పుడు నీకేం అయింది? 
“ఇంట్లో నన్ను సరిగా పట్టించుకోవటం లేదు గురూజీ” రఘుపతి కళ్ళు ఒత్తుకున్నాడు.
“బాధపడకు మన దగ్గర దండిగా అవుడియాలున్నాయి”
అతను నమస్కరించాడు.
నేను దీవించాను.
***
రాత్రి పది దాటింది.
వాట్స్ అప్ కాల్. రఘుపతి నుండి.
“గురుజీ..” గొంతుని బట్టి ఏడుపు ఆపుకుంటున్నట్టు తెలుస్తుంది.
“ఏమయింది?” కంగారుగా అడిగాను.
“మీరు చెప్పినట్లే ప్లాన్ A ప్రకారం హల్వా కొనుక్కుని, మూరెడు మల్లెపూలు కొనుక్కుని ఇంటికెళ్ళాను.”
“ఏడుపు ఆపు. విషయం చెప్పు”
“పోగానే హల్వా, పూల పొట్లాం ఇచ్చి ‘ఎంత అందంగా ఉన్నావు డియర్’ అన్నాను”
“నవ్వుతూ సిగ్గుపడిందా?”
“తమరి జ్ఞానం మండి నట్టే ఉంది. నవ్వితే మీకేందుకు ఫోన్ చేస్తాను?”
“మరి?”
“నేను అందంగా ఉన్నావు డియర్ అనగానే, ‘ఓరి దేవుడో ఈయన మళ్ళీ తాగొచ్చాడు’ అంటూ కింద కూలబడి ఏడుపు మొదలెట్టింది. “
“ఇప్పుడేం చెయ్య బోతున్నావు?”
“మిమ్మల్ని unfriend/block చెయ్య బోతున్నాను”
“ఒక్క నిమిషం .. ఆగు మన దగ్గర ప్లాన్ B ఉంది” నా మాట పూర్తి కాకుండానే ఫోన్ కట్టయింది. 

No comments:

www.susri.home.blog

  అందరికీ నమస్తే 66o పోస్టులు పైగా వ్రాసిన ఈ బ్లాగ్ లోని నా పోస్ట్ లలో  చాలా అచ్చుతప్పులు ఉండటం గమనించాను.  వాటన్నిటినీ ఎడిట్ చేస్తూ, modify...