Tuesday, 23 May 2017

దీనెమ్మ

చలపతి రావు, కుటుంబం తో కలిసి బీచ్ కి కార్లో బయలుదేరాడు.
మరో పది నిమిషాల దూరం లో ఉండగా.. కారు టైర్ ఫ్లాట్ అయింది. 
అందరూ కారు దిగారు. కొడుకు రవి బాబు కారు డిక్కి నుండి స్టెఫీని తీసి, టైర్ మార్చ సాగాడు. 
జాకీ త్రేడ్స్ స్లిప్ అయి రవి కుడి కాలు మీద పడింది. “దీ నెమ్మ” బాధగా అరిచాడు అతను. 
చలపతి రావు సాయం పట్టి కాలు విడిపించాడు. 
మళ్ళీ జాకీ బిగిస్తుంటే.. కొడుకుతో చెప్పాడు. “పరిస్థితులు అంత అనుకూలంగా లేవు. ఎంత బాదగా ఉన్నా బూతులు మాట్లాడవద్దు. ముఖ్యంగా స్త్రీ పరమయినవి.” నచ్చ చెప్పాడు. 
“నొప్పి తట్టుకోలేక అన్నాను” కొడుకు చెప్పాడు. 
“ కావాలంటే దేవుడా అనుకో లేదా ఒరయ్యా అనుకో” కొడుక్కి సాయం చేస్తూ చెప్పాడు. 
ఈ సారి మళ్ళీ జాకీ స్లిప్ అయి కొడుకు చేతి వెళ్ళు నలిగాయి. 
“దేవుడా?” బాధతో అరిచాడు. 
విచిత్రం కారు గాల్లోకి అడుగు ఎత్తు పైకి గాల్లో ఏ ఆధారము లేకుండా లేచి నిలబడింది. 

చలపతి రావు బిత్తర పోయాడు. “దీ నె మ్మ” గట్టిగా అన్నాడు. 

No comments: