Saturday, 17 December 2016

నేనూ వస్తా

చైనా ఫోను లో పక్క సీటు అతను మాట్లాడుతుంటే, బస్సులో తోటి ప్రయాణికులకు సమిష్టిగా టెలీ కాన్ఫరెన్స్ లో ఉన్నట్టు ఉంది.
"లేదు లక్మి .. నన్ను నమ్ము. ఒక్కడినే వెళ్తున్నాను. బస్సు పొదిలి దాటింది"
"పక్కన ఆ ఇడిసేసినది కూడా ఉందా?" 
అతను మెల్లగా "నేను ఒక్కడినే అని చెబుతున్నానుగా"
"మీ వేషాలు నాకు తెలుసు గాని, ఫోను దానికి ఇవ్వు"
"పక్కన ఎవరు లేరన్నానుగా?"
"అబ్బా.. కబుర్లు చాలు. చాలా విన్నాను. ఫోను దానికి ఇవ్వు"
..
..
..
****
పోను ఆపి జేబులో పెట్టుకుంటూ పది అంతస్తులు ఎక్కాక, ఫ్లాట్ తాళం చెవి మర్చి పోయిన వాడికి మళ్లే చూసాడు.
..
"తమ్ముడూ.. బస్సు స్టాండ్ లో దిగి, దగ్గర్లో రామ కృష్ణా ఖాదీ బండారు ఉంటుంది. నాలుగు గజాలు కాషాయం కొనూక్కో. నేరుగా స్టేషన్ కి వెళ్ళు.హరిద్వార్ కి తెల్లవారు ఝామున పాసింజరు ఉంది. రెండు టిక్కెట్లు కొను"
..
"రెండా?? రెండు ఎందుకు?"
" చేతిలో బాగు ఇంట్లో పడేసి, నేను కూడా వచ్చేస్తా"

No comments: