Saturday, 17 December 2016

ఇంప్రూవ్మెంట్ ఆఫ్ స్కిల్స్

ఆఫీసుకి వచ్చి సీట్లో కూర్చునే లోపు వాట్స్ అప్ లో అఫిసు వాళ్ల ఎలెర్ట్ లు నాలుగున్నాయి.
విజయవాడ లో Improvement of skills (ఖాళీ చెంచాతో కడుపు నింపడం) గురించి మూడు రోజుల ఓరిఎంటేషన్ ప్రోగ్రామ్ ఉందని, మర్నాడు మొదలయ్యే మొదటి బ్యాచ్ కె అటెండవమని సారాంశం.
..
ఇంటికి ఫోన్ చేసి మర్నాడు పొద్దుటే ఏడుగంటలకి యస్వంతపూర్ రైల్ ఎక్కాలని, బాగ్ సర్దమని, ఒక తాఖీదు వినిపించాను.
..
పొద్దుటే ఇంట్లోనుండి బయట పడబోతు బాగ్ అందుకుంటే బరువుగా అనిపించింది. తీసి చూస్తే కావాల్సిన వాటితో పాటు శనగపిండి, చిన్న కాప్సికం లు కొన్ని, నూనె పాకెట్ ఒక కారిబాగ్ లో ఉన్నాయి.
..
"ఏమిటివి??" కేకెట్టాను.
"మీ ఫ్రెండ్ కుమార్ దగ్గర బజ్జిలు చెయ్యటం నేర్చుకుని రండి.. వస్తూ " అని ఒక సమాదానం.
"నేను వెళ్తున్నది ట్రైనింగ్ ప్రోగ్రామ్ కి"
"ఇంత కంటే ఉపయోగపడేది ఇంకేమయినా చెబుతారా??"
నిజమేననుకో.. అంత తేలిగ్గా బయటపడితే ఎలా??
"బాండి, చిన్న స్టవ్ కూడా సర్దాల్సింది" విసుక్కున్నాను.
"అవి అక్కడుంటాయి లెండి" తిరుగు టపా సమాదానం.
..
Solar Kumar సామి .. నువ్వు వంటగదిలో బజ్జీలు చేసే పోస్ట్ లు  పెట్టమాకు.

No comments: