Monday 20 June 2016

సబబే !

హెచ్చార్ మేనేజర్ తో పంచాయితీ నడుస్తుంది.
లక్షల రూపాయలు వెచ్చించి ఆరేడు నెలల ట్రైనింగ్ ఇచ్చిన కంపనీ ని కనీసం రెండేళ్ళు పని చేయకుండా ఎలా వదిలి  వెళ్ళి పోతారని ప్రశ్నోకటి ?
మా రీజన్స్ మాకుంటాయి. ట్రైనింగ్ ఇచ్చినంత మాత్రాన కట్టు బానిసలాగా జీవితాంతం ఊడిగం చెయ్యాలా ఏమిటి??”
శ్రీధర్ కి కంపెనీ పాలసీ మీద చిర్రెత్తు కొచ్చింది.
వీకెండ్ వచ్చిందాకా అదే మూడ్ కొనసాగింది.
****
శనివారం ఉదయాన్నే 'సంఘీ టెంపుల్' కి వెల్ధామని శ్రీమతి అడిగింది.
మనసు కి కొంత స్వాంతన ఉంటుందని శ్రీధర్, ఆమెతో కలసి బయలు దేరాడు.
లక్కీగా ఆరోజు ఏ షూటింగులు లేకపోవటం తో దేవాలయం ప్రశాంతంగా ఉంది.
గోత్రనామార్చన చేయించు కుని గుడి మెట్ల మీద కూర్చుని కొబ్బరి నోట్లో వేసుకుంటూ అడిగాడు.
ఏం కోరుకున్నావు?”
వచ్చే జన్మలో కూడా మీరే నా బర్త కావాలని పాత సినిమా లో వాణిశ్రీ లాగా చెప్పింది ఆమె.
****

అంతేలే!! కష్టపడి ఈ జన్మ లో ఇచ్చిన ట్రైనింగ్ వేస్ట్ అవకుండా, ఆమాత్రం కోరిక సబబే

No comments:

www.susri.home.blog

  అందరికీ నమస్తే 66o పోస్టులు పైగా వ్రాసిన ఈ బ్లాగ్ లోని నా పోస్ట్ లలో  చాలా అచ్చుతప్పులు ఉండటం గమనించాను.  వాటన్నిటినీ ఎడిట్ చేస్తూ, modify...