Thursday, 30 June 2016

ప్రౌడ

నెఫ్రాలజిస్ట్ డాక్టర్ చంద్రశేఖర్, బార్య సాధన  పెట్టుకున్న నియమం అది.
ఎంత బిజీ గా ఉన్నా తామిద్దరికోసం రోజు ఉదయం కొంత సమయం కేటాయించుకోవటం, ఆ సమయం లో తమ గురించి కాక మరే ఇతర  విషయాలు సాద్యమయినంతవరకు  మాట్లాడుకోకపోవటం .
ఆరోజు గేటెడ్ కమ్యూనిటీ లోని  BR అపార్ట్మెంట్స్ లో 4,5 అంతస్తులు కలిపి ఉన్న డూప్లెక్స్ ఫ్లాట్ పోర్చ్ లో కూర్చుని కాఫీ తాగుతున్నారు ఇద్దరు. అప్పటికే ఇంట్లో ఉన్న చిన్న  జిమ్ లో ట్రేడ్ మిల్ మీద కొంత సేపు వ్యాయామం చేసి పోర్చ్ లో ఉన్న పేము కుర్చీ లో కూర్చుని పేపర్  తిరగేస్తున్నాడు. ట్రే లో కాఫీ కప్పులు సాల్ట్ బికిలు పట్టుకుని సాధన రాగానే చేతి లో పేపర్ మడిచి కాఫీ కప్పు అందుకున్నాడు.
“ఎంటమ్మాయ్ ఏమిటి కబుర్లు ?” బిస్కెట్ అందుకుంటూ అడిగాడు.
సాదన బుగ్గ చొట్ట బడేట్టుగా నవ్వింది.
రోజు ఉండే పలకరింపే అయినా వాళ్ళకి ఎప్పుడు ఆ సాన్నిహిత్యం లో మోనాటనీ రాలేదు.
విశాలమయిన గేటెడ్ కమ్యూనిటీ చుట్టూ ఒకటిన్నర కిలోమీటర్ల వాకింగ్ ట్రాక్ ఉంది చాలా మంది ఇంకా వాకింగ్ చేస్తూనే ఉన్నారు. వాళ్ళని గమనిస్తూ ఇద్దరు కాఫీ ఎంజాయ్ చేస్తుంటే హటాత్తుగా కిందనుండి ఒక ప్రౌడ చంద్రశేఖర్ గారిని చూసి చిన్నగా నవ్వి చెయ్యి ఊపింది. చంద్రశేఖర్ చేతిని గాల్లో ఊపటం ద్వారా బదులివ్వటం సాధన గమనించింది.
*****
సాయంత్రం ఓ పి సమయం లో  ఆటో లో హాస్పిటల్ కి వచ్చిన సాధన నేరుగా చంద్రశేఖర్ రుముకు వెళ్ళి కారు కీస్ తెచ్చుకుంటుంటే .. వైటింగ్ రూములో ఆవిడ మళ్ళీ కనిపించింది. చక్కటి శరీరాకృతి ప్రౌడవయసు స్త్రీ నుడిటీ పాపిట మధ్య సింధూరం.
****
మర్నాడు తమ కాఫీ టైమ్ లో ఎవరావిడ?” అంది సాధన.
అతను అప్పుడు గమనించాడు. ఆవిడే చెమట్లు పట్టెట్టు గా బ్రిస్క్ వాకింగ్ చేస్తూ...
చంద్రశేఖర్ మాట్లాడటం ఇష్టం లేని వాడి లా ఉండి పోయాడు.
సాదన చూపుల్లో ప్రశ్న ఇంకా కనబడటం గమనించాడు అతను.
“టి వి సిరియల్స్ చూడటం తగ్గించు. సమయం ఉంటే క్లినిక్ కి వచ్చి అక్కౌంట్స్ చూసులో నాకు రోజు లో మరో గంట కలిసొస్తుంది. హాస్పిటల్ క్వాలిటీ పెరుగుతుంది. నానా చెత్త బుర్రలోకి దూర్చకు” చెప్పాడతాను.
“ఇది సమాదానం కాదు “ ఆమె అభావంగా అంది.
“కిడ్నీ సమస్య ఉన్న పదేళ్ళ కొడుక్కి ట్రీట్మెంట్ కోసం వస్తున్నారు ఆవిడ. చాలా వరకు డ్రగ్స్ తో నయం అవోచ్చు లేదా వరెస్ట్ కేస్ లో  ట్రాన్స్ ప్లాంటేషన్ అవసరం అవోచ్చు. ఒకవేళ అలా జరిగాల్సి వస్తే ఆమె డొనేట్ చేయటానికి కనీసం 20 కేజీలు బరువు తగ్గాల్సి ఉంది”

ఒక చల్లటి గాలి అతని మీదుగా ఆమెని తాకింది. 

Wednesday, 29 June 2016

సభ్యత కాదు

పెద్దావిడ షాపింగ్ మాల్ లో ఏడు గజాల చీరలు చూస్తూ ఉన్నప్పుడూ రెండున్నరేళ్ల  మనమడు తప్పించుకు పోయాడు.
అయిడు అంతస్తుల  షాపింగ్ మాల్ అది. డిస్కౌంట్ సేల్స్ కారణంగా జనం భారీగా ఉన్నారు.
పెద్దావిడ కి ఒక్క క్షణం కళ్ళు బైర్లు కమ్మాయి. ముగ్గురు ఆడపిల్లల తర్వాత పుట్టిన ఒక్కగానొక్క కొడుక్కి పెళ్ళయిన ఆరేళ్ళ తర్వాత కలిగిన ఏకైక సంతానం.
ముసలాయన పెన్షన్ డబ్బుల్తో బుడ్డోడికి బాటరీ కారు లాటిది కొనిద్దామని మాల్ కి వచ్చిందావిడ.
వెదవ మనసు చీరల మీదికి వెళ్లింది ఈ లోగా వీడు .. అసలే సూపర్ యాక్టివ్ పిల్లలు.
ఇంకా మాటలు సరిగా రాలేదు గాని క్షణం కుదురుగా ఉండడు.
ఆవిడ పరుగు లాటి నడకతో సేల్స్ అస్సిస్టెంట్ వద్దకి వెళ్ళి చెప్పింది.
“ నా మనమడు ఎర్ర రంగు టి షర్టు వేసుకుని ఉంటాడు. ఉంగరాల జుట్టు మెడలో గొలుసు కూడా ఉంది ఇప్పుడే తప్పి పోయాడు.”
ఆమె ముఖాన కంగారూ భయం చూసిన అతను “భయం లేదు మాడామ్ మా వద్ద సి సి కేమారాలు ఉన్నాయి . పబ్లిక్ అడ్రసింగ్ సిస్టెమ్ లో అనౌన్స్ చేయిద్దామ్ “
ఇద్దరు హడావిడిగా అక్కడికి చేరే సరికి మామ్మ గారి మనమడు అక్కడే ఉన్నాడు. ఒక సేల్స్ గర్ల్ వాడిని ఆడిస్తూ ఉంది.
పెద్దావిడకి ప్రాణం లేచి వచ్చింది. ఐదు నిమిషాల్లో జరిగిన సంఘటన అయినా బి పి పెరిగి  ఆవిడ ముఖాన చెమటలు పట్టాయి.
పెద్దావిడ పరిస్తితి గమనించిన సేల్స్ గర్ల్ కూర్చోపెట్టి మంచినీళ్లు అందించింది.
“అసలు మేమే అనౌన్స్ చేద్దామని బాబు ని ప్రశ్నలు వేస్తున్నా మండీ.. వాడికి మీ పేరు తెలియదు లా ఉంది. మా నానమ్మ అంటున్నాడు.. “
“మీ తాత ఏమని పిలుస్తాడురా అంటే ముసలిదానా అని చెబుతున్నాడు”
“మీ నాన్న, నానమ్మ ని ఎలా చెబుతాడు అంటే  అమ్మా అంటాడని చెబుతున్నాడు “
ఒక్క నిమిషం తటపటాయించి సేల్స్ గరల్ అంది ”మీ అమ్మ ఏమని పిలుస్తుందిరా అంటే చెప్పాడు గాని అలా అనౌన్స్ చేయటం సభ్యత  కాదని ఆలోచిస్తున్నాను ఇంతలో మీరొచ్చారు “

J

ఈ ఉదయం.

ఈ ఉదయాన్నే సన్నటి వర్షం లోనూ మార్నింగ్ వాక్ కి వెళ్ళాను. 
రెగ్యులర్ గా వెళ్ళే చోటకి కాకుండా మొన్నామధ్య హాస్టల్ లో ఉంచిన ఇంద్రసేనారెడ్డి (8th క్లాస్) ని చూడాలనిపించింది. 
నేరుగా హాస్టల్ కి వెళ్ళాను. 
అప్పటికే పిల్లలు పక్కన ఉన్న గ్రౌండ్ లో ఆడుకుంటూ ఉన్నారు. 
వారిలో ఇంద్రసేనారెడ్డి లేడు. 
**
వివరం తెలుసుకుని మూడో ఫ్లోర్ లో ఉంటున్న వాడి దగ్గరకి వెళ్ళాను. 
అప్పుడే లేచాడు. 
రెండు రోజుల నుండి కడుపు లో నొప్పి, కళ్ళు మంటలు ఆట.
** ."నిన్న ఆంటీ (మా ఆవిడ) వచ్చి జున్ను ఇచ్చి వెళ్లింది" అని చెప్పాడు 
సహజంగా బెంగ లాటివి గాని ఏడుపు లాటివి గాని లేవు. 
. "స్కూల్ నచ్చిందా" అంటే .
"బాగుంది ఇక్కడే చదువు కుంటా" అన్నాడు.
పర్మిషన్ తీసుకుని మా మిత్రుడయిన ఒక డాక్టర్ ఇంటికి తీసుకువెళ్లాను.
నేను ఊహించినట్లే 'నులిపురుగుల' సమస్య అని కన్ఫర్మ్ చేసి ఒక డోసు టాబ్లెట్ ఇచ్చారు. కళ్ళు మంటలకి 'డ్రాప్స్' ఇచ్చారు.
.. సహజంగా హాస్టల్ లో ఉమ్మడి విధానం వల్ల ఉండే కొన్ని ఇబ్బందుల వల్ల చిన్నపిల్లలకి ఈ సమస్య వస్తుంది. ..
మనం ప్రతి విషయాన్ని నెగెటివే గా చూడటం వాళ్ళు హాస్టల్ మానుకుని వెళ్లిపోతానికి 'అబద్దాలు' చెబుతున్నారు అనుకోవటం సరి అయిన విషయం కాదు. 
.. శుభ్రంగా గోళ్ళు తీపించి, కొన్ని జాగర్తలు చెప్పి బయలు దెరుతుంటే ..
"బాబాయ్.. మళ్ళీ ఎప్పుడొస్తావ్ ?" అన్నాడు...
.. వాడిని దగ్గరగా పొదువుకున్నాను. 
సాయి చందు (మా అబ్బాయి) ని దగ్గరకి తీసుకున్నట్లు ఉంది. 
.. "ఆదివారం అన్న నీ, నిన్ను కొత్తపట్నం బీచ్ కి తీసుకు వెళ్తాను".. చెప్పాను. 
ఇంద్రసేనారెడ్డి నవ్వాడు.  ..

Sunday, 26 June 2016

మిత్రులకి ఒక విన్నపం _/[]\_

శ్రీ అభయాంజనేయ స్వామి వారి దేవాలయ కమిటీ, ఒంగోలు వారి విజ్ణప్తి :
******************************************************************** 
మా వీది మొదట్లో నిర్మాణం పూర్తయి ప్రతిష్టకి సిద్దంగా ఉన్న శ్రీ అభయంజనేయ స్వామి వారి విగ్రహ ప్రతిష్ట, ద్వజ స్థంభ ప్రతిష్ట కార్యక్రమాలు ఆగస్టు 8,9,10 తేదీల్లో జరగనున్నాయి. 11 ఏండ్ల క్రితం ప్రారంభమయి అనేక కారణాలు వల్ల నిర్మాణం ఆగిపోయిన ఈ దేవాలయ నిర్మాణాన్ని పూర్తి చేయటానికి కొద్ది మందిమి సిద్దపడ్డాం. 2010 లో ఈ ప్రాంతానికి వచ్చి ఇండ్లు కట్టుకుని స్థిరపడ్డ నేను, నాలాగే ఈ ప్రాంతం లో స్థిరపడ్డ కొద్ది మంది మిత్రులు, శ్రీVenkateswarlu Sakhamuri మాస్టారు, Alahari Srinivas (గ్రనైట్ కంపెనీ ఉద్యోగి) మరీ ముఖ్యంగా చిన్నవాడయినా ఈ కార్యక్రమాన్ని భుజాన వేసుకుని తన సర్వ శక్తులు ధారపోస్తున్నObula Reddy Gosula మాస్టారు (స్థానిక సాయిబాబా ఛారిటీ స్కూల్, హెడ్ మాస్టర్) మరికొందరు మా వీధి లోని మిత్రులు స్థానికంగా ఉన్న అపార్ట్మెంట్ లలో ఉంటున్న వారు, డాక్టర్ చంద్రశేఖర్ దంపతులు, స్థిరాస్థి వ్యాపారులు, శిద్దా కుటుంబీకులు, Phani Marella మిత్రులు. మరియు అనేక మంది దాతల సహాయం తో సుమారుగా ఇప్పటికీ 25 లక్షల రూపాయలు వెచ్చించి ఈ స్థితికి తీసుకు వచ్చాం. 
జమ అయిన ప్రతి పైసా ని బాంకు అకౌంట్ ద్వారా, కమిటీ లో చర్చించి జాగర్తగా ఖర్చు పెట్టటం, విరాళాలు సేకరించడం లాటివి ఇప్పటి వరకు జరుగుతున్నాయి. 
ఇప్పుడు ప్రధానమయిన ఘట్టం లోకి అడుగెట్టాం. <<< ప్రధాన ప్రతిష్టా కార్యక్రమం>>> ద్వజస్తంభ ఇత్తడి తొడుగు, అన్నదానం (సుమారు 5000 మంది అని అనుకుంటున్నాము.), స్థపతి ఖర్చులు, లాటి అనేక ఆగమ శాస్త్ర సంప్రదాయాలతో కార్యక్రమం పూర్తి చేయటానికి మొత్తం సుమారు గా రూపాయలు పది లక్షలుదాటతాయి. 



రియల్ ఎస్టేట్ మాంద్యం, సరయిన పంటలు లేకపోవటం, వ్యాపారాలు ఆశించినంత గా లేక పోవటం మా వనరులని దెబ్బతీస్తున్నాయి, ప్రమాదకరమయిన ఆర్ధిక స్థితి లో ఉన్నాం. ముగ్గురు మిత్రులం ఒక్కకరిమి లక్షకు పైగా వెచ్చించి, మూల విరాట్టు యంత్రాలు లాటివి తయారీకి పూనుకున్నాం. 40 రోజుల దీక్షా, పూజా కార్యక్రమాలు లాటి సంప్రదాయాలతో భారీగా అవసరాలు ఉన్న ఈ కార్యక్రమం నిర్వహణకు మాకు అనేక అవాంతరాలు, ఇబ్బందులు ఎదురవుతూనే ఉన్నాయి. ఆంజనేయ స్వామి వారి ప్రతిష్ట లో ఇటువంటి పరీక్షలు మామూలే అని ఓదార్చిన పెద్దల మాటలతో, మొండి దైర్యం తో ముందుకు పోతున్నాం. మా ఇళ్ళలో శుభ కార్యక్రమాలు కూడా ప్రతిష్ట పూర్తి అయిన తర్వాతే చేసుకోవాలని నిర్ణయం తీసుకున్నాం. 
ప్రస్తుతం మా పని గాలిలో దీపం లాగా ఉంది. విరాళాలు వ్రాసిన లేదా హామీ ఇచ్చిన వారు తప్పుకోవటం లేదా ముందుగా చెప్పిన స్థాయి లో ముందుకు రాకపోవటం , మాకు ఇబ్బందిగా ఉంది. అన్నదానం మొత్తం ఏర్పాటు చేస్తానన్న ఒక దాత పరిస్థితుల కారణంగా అయిదంకెల చిన్న మొత్తం తో వెనక్కి తగ్గారు. ఇప్పుడు మా పరిస్తితి మరి ఆగమ్య గోచరంగా ఉంది. 
మిత్రులు అందరూ వారి వారి వెసలు బాటు కొంది ఈ కరపత్రం లోని బాంకు ఆకవుంటుకు ఎంతో కొంత విరాళం పంపవలసినదిగా ప్రార్ధిస్తున్నాను. గత సంవత్సరం ఇలాటి ఆపద కాలం లో ఎఫ్‌బి మిత్రులు లక్షకు పైగా సాయం అందించారు . ఆలయ శిఖర నిర్మాణం లో ఎంతో అవసరాన్ని ఆదుకున్నారు. ఈ సారి కూడా మీ అందరికీ వేడుకుంటున్నాను. మిత్రులు వారి వాల్ మీద ఈ అబ్యర్ధన షేర్ చెయ్యటం ద్వారా మీ మిత్రుల మిత్రుల కి ఇది చేరుతుందని ఆశిస్తాను. మీరు పంపే ప్రతి 100 రూపాయల విరాళం కూడా విలువయినదే అని తెలియ చేస్తున్నాను. నగదు బదిలీ చేసిన మిత్రుల వివరాలు నాకు తెలియచేస్తే మాకు అకౌంట్ నిర్వహించడం సౌకర్యంగా ఉంటుంది.
విరాళాలు అందచేయవలసిన ఖాతా నెంబరు 5212101000387, కెనరా బాంకు, M.M.రోడ్డు, ఒంగోలు (ICFS code CNRB0005212) payee name శ్రే అభయాంజనేయ స్వామి వారి దేవస్థాన కమిటీ
------------------------------ అనేక ధన్యవాదాలతో, మీ శ్రీనివాసరావు సుంకర.

తల నొప్పి

“ఈ మధ్య తలనొప్పి గా ఉంటుందండీ” 
ఆప్తమాలజిస్ట్ ని కలిశాడు తిరుమల్ ప్రసాద్.
**
అన్నీ లేటెస్ట్ ఎక్విప్మెంట్ తో పరీక్షలు నిర్వహించాక 
ఒక కళ్ల జోడు సిఫార్సు చేశాడు డాక్టర్.
**
ఐ డ్రాప్స్ కొనుక్కుని కళ్ళజోడు చేయించుకుని
మళ్ళీ డాక్టర్ ని కలిశాడు తిరుమల్.
**
“ఈ డ్రాప్స్ కంట్లో రోజు మూడుసార్లు తగ్గకుండా
రెండు రెండు చుక్కలు వేసుకోండి.
కళ్ళజోడు శని ఆదివారాలు మాత్రమే వాడండి”
**
“అదేంటి సార్ శని ఆది వారాలెనా? మిగిలిన రోజులు ?”
ఆశ్చర్యపోయాడు Thirumal Prasad
**
“మీది సాఫ్ట్ వేర్ ప్రొఫెషనేగా? శని, ఆదివారాలేగా ఇంట్లో ఉండేది?”
**

Saturday, 25 June 2016

సూర్య గ్రహణం

Manager Director to Project Director :
  • నేడు 11 గంటల కి సూర్య గ్రహణం ఏర్పడనుంది. సూర్యుడు రెండు నిమిషాలు పాటు చంద్రుని  వెనుక అదృశ్యమవుతాడు. ఇది ఆకాశం లో  అరుదుగా కనిపించే దృశ్యం.  ఉద్యోగులు కారు పార్కింగ్ ఏరియా  లో సూర్య గ్రహణం వీక్షించడానికి పావుగంట సేపు అనుమతింపబడ్డారు. సరిగ్గా 10-50 కి స్టాఫ్ అంతా పార్కింగ్ ఏరియా లో గేదర్ అయితే నేను సూర్యగ్రహణం గురించిన  చిన్న పరిచయం చేస్తాను. అందుబాటు ధరలో సేఫ్టీ అద్దాలు ధరలో సరఫరా చేయబడతాయి.


Project Director to Executive officer:
  • నేడు 10-50 కి ఉద్యోగులు అందరూ కార్ పార్కింగ్ స్థలం వద్దకి చేరండి. తదుపరి రెండు నిమిషాల పాటు సంపూర్ణ సూర్య గ్రహణం ఉంటుంది. సూర్యుడు కనిపించడు. ఒక మోస్తరు ధర  లో రక్షణ కోసం కళ్ళద్దాలు అందచేయబడతాయి. మేనేజింగ్  డైరెక్టర్ గారు గ్రహణం నేపద్యం గురించి చిన్న ప్రసంగాన్ని ఇస్తారు. గ్రహణం అంటే ప్రతి రోజు ఉండేది కాదు.


Executive Officer to Dy.Execitive officer :
  • మేనేజింగ్  డైరెక్టర్ నేడు సూర్య గ్రహణం లో రెండు నిమిషాలు పాటు సూర్యుడు  అదృశ్యం అవటం గురించి ఒక చిన్న ప్రసంగాన్ని ఇస్తారు. కనుక సిబ్బంది పదకొండు కి పది నిమిషాల ముందు కార్ పార్కింగ్ వద్ద గుమి గూడగలరు. ప్రతి రోజు మీరు దీనిని చూడటం కుదరదు. కొంత ధర చెల్లిస్తే మీరు సురక్షంగా ఉడటానికి వీలవుతుంది.


Dy Executive officer to Assistant officer  :
  • పావు తక్కువ పదికి ఉద్యోగులు అందరూ కార్ పార్కింగ్ వద్ద గుమి గూడతారు. అక్కడ మేనేజింగ్  డైరెక్టర్ రెండు నిమిషాలు పాటు సూర్యుడి ని కనిపించ కుండా చేస్తారు. ఇది రోజు జరిగేది కాదు. ఇది సురక్షితమే గాని కొంత ఖర్చు తో కూడిన పని.

Assistant officer to Sub-Staff :
  • మేనేజింగ్  డైరెక్టర్ అదృశ్యం కావటాన్ని  చూడటానికి నేడు కొందరు ఉద్యోగస్తులు కారు పార్క్ ఏరియాకి  వెళతారు. విషాదం ఏమిటంటే ఇది రోజు జరగదు.
  • J


J

Friday, 24 June 2016

'మాల'

కిషోర్ కి ఇంట్లో మర్యాదలు తగ్గినయ్. 
వంట తనే చేసినప్పటికీ చల్లా కాలం లో అంట్లు తోమటానికి వేడి నీళ్ళు రెడీ గా ఉంచడం లాటివి ఆపెయ్యబడ్డాయి.
వెంటనే రజని కాంత్ తో స్కైప్ లో మాట్లాడాడు.
తలైవర్ సలహా తీసుకుని వెంటనే బయలు దేరి .
పూల చొక్కా, షార్ట్ వేసుకుని పాత క్రికెట్ టోపీ పెట్టుకుని హిమాలయాలకి వెళ్ళాడు.
మంచు పర్వతాల .ప్రారంభం  లో ఒక స్వామి జి కనిపించారు.
ముక్తి మార్గానికి గురువు అవసరం ఎంతో ఉందని తెలిసిన వాడు కనుక ..
ఆయన్ని ఆశ్రయించాడు ..
****
"నాయనా ఒక మాల తీసుకువెళ్ళు, అక్కడ జలపాతం ఉంది తీర్ధం పుచ్చుకో, నేరుగా హిమాలయాల పైకి వెళ్ళు అక్కడో గుహ చూసుకుని ద్యానం చేసుకుంటూ ఉండు నాయానా. త్వరలో బాహుబలి షూటింగ్ అవ్వగానే అనుష్క కూడా వచ్చే సూచనలు ఉన్నాయి". 
Kishore 
మంచి 'సాంగ్' హామ్ చేసుకుంటూ వెళ్లిపోయాడు. 
****
కొన్నాళ్ళకి శిష్యుడి నిర్వాకం చూద్దామని గురువుగారు విజిటింగ్ కి వెళ్లారు.
చాలా దూరం వెళ్ళాక భీభచ్చమయిన చలిలో శిష్యుడు పద్మాసనం వేసుకుని ద్యానం చేస్తూ కనిపించాడు.
తట్టుకోలేనంత హశ్చర్యం లో శిష్యుడిని పరామర్శించాడు.
"
నాయనా కిశోర్ "
"
స్వామీ " మెల్లిగా కళ్ళు తెరిచిన కిశోర్ గురువుగారి రాక కి ముగ్దుడయ్యాడు.
"
ఎలా ఉన్నావ్ ? నీ  బగవంతుని ధ్యానం ఎందాకా వచ్చింది??"
"
అంతా ప్రశాంతంగా ఉంది స్వామి . తమరు చెప్పినట్లు మాల,తీర్ధం , ద్యానం తో హాయిగా గడిచిపోతుంది."
"
చలిగా లేదా నాయనా?" స్వామి గారు వణుకుతూ అడిగారు.
"
ఏమి లేదు హాయిగా ఉంది. తీర్ధం లస్సీ తో పాటు పుచ్చుకుంటున్నాను. చలి గిలి ఏమి ఉండదు .. అంతా నిత్యానందం."
"
ఆలానా నాయనా? నాకు ఆ లస్సీ ఇవ్వు నాయనా. చలికి తట్టుకోలేక పోతున్నాను."
****
ఒక్క నిమిషం స్వామి అని 
"
మాలా .. ఓ మాలా గురువు గారు వచ్చారు, తీర్ధం రెండు గ్లాసుల్లో తీసుకు వచ్చాయ్"
   

కళ్లద్దాలు

తిరుచ్చి లో రూమ్ వెకేట్ చేసి కిలోమీటరు దూరం లోని స్టేషన్ కి ఆటో లో వచ్చేసరికి ఎక్కవలసిన ట్రైన్ అరగంట లేటు చూయిస్తుంది.కవర్ లో తెచ్చిన హోటల్ బిల్లు చూసి డైరీ లో వ్రాసుకుంటుంటే మాతో హోటల్ లో స్టే చేసిన మిత్రుడు " ఉదయం కాఫీ బిల్లు బాయ్ కి నేను పే చేసాను కదా బిల్లులో మళ్ళీ వేసాడు" అని చెప్పాడు.
తెలిసి ఎవరికయినా సాయం చేస్తే పర్లేదు కాని, రూపాయి మోసపోయినా బాధేస్తుంది.
****.
మా వాడిని స్టేషన్ లో కూర్చోబెట్టి చక చకా నడిచి వెళ్లి రిసెప్షన్ లో మన తమిళం లో అడిగే సరికి వాడు పాదాలు పట్టుకుని డబ్బులు వెనక్కి ఇచ్చేసి కన్నీళ్ళు పెట్టుకున్నాడు.
***
విజయ గర్వం తో చోళ ఎక్సప్రెస్ ఎక్కాను.
9.30
కి స్టేషన్ వదిలింది.
***
షడన్ గా సాయి " నాన్నా మీకో కొసమెరుపు." అన్నాడు. 
"
ఏమిటిట??"
"
మీరు ఇందాక కాఫీ డబ్బులు కోసం హోటల్ కి పోట్లాటకి వెళ్ళేటపుడు మూడు వేల రూపాయల రేబాన్ కళ్లద్దాలు పెట్టుకు వెళ్లారు గుర్తుందా??"

***
వార్ని.