Tuesday 3 November 2015

బాబాయ్ నిన్ను వదలా!!

అంత ఆలోచన కానీ వివేకం కానీ నాకు అప్పట్లో లేవు.
మా పెళ్లి జరగటానికి కారణమయిన మా అత్తగారి తరపు పెద్దావిడ ఒకరికి హటాత్తుగా అనారోగ్యం అని చెప్పి నన్ను నా బార్యని ఊరికి తీసుకెళ్ళాడు మా మామ. 
అప్పటికి పెళ్ళయి నాలుగయిదు నెలలు అయి ఉంటుంది. 
ఇద్దరం చిన్న వాళ్ళం తన కింకా నిజానికి పెళ్లి వయసు కూడా రాలేదు.
..
మా అమ్మ కి నాన్న కి మేమిద్దరం అలా వెళ్ళటం ఎందుకో ఇష్టం లేదు.
..
తీరా వెళ్ళాక గాని నాకు కొన్ని విషయాలు అర్ధం అవలేదు.
..
రెండు రోజుల క్రితం మేము గొడవ పడటం, తను మంచం పట్టే కి తల కొట్టుకోవటం
బొప్పి కట్టటం, నేను బాబాయి.(పమిడిముక్కల చంద్ర శేఖర్ ఆజాద్ , జానకి దంపతులు)
వాళ్ళ ఇంటికి తనని తీసుకెళ్లటం. వాళ్ళ దంపతులు మా ఇద్దర్ని మందలించడం.
ఎలా ఉండాలో తనకి, ఎలా ఉండకూడదో నాకు చెప్పటం.
మేము కొంత అవగాహనకి రావటం జరిగిపోయింది.
..
మా మామ మమ్మల్ని తోలుకొచ్చింది పంచాయితీకి ..
..
" సుందోరి పాలెం సంబందానికి ఇస్తే బావుండేది" ముసలావిడ అంది.
..
అప్పటికే నేను కుంగి పోయి ఉన్నాను.
బార్యని బాదపెట్టిన విషయం జీర్ణించుకుని సిగ్గుతో ఉన్నాను.
ఆమె మాటలు నా ఇగో ని .బాద పెట్టాయి.
..
నాకో స్పష్టత ఉండేది. అప్పట్లోనే...
..
" నేను స్థిరంగా చెప్పాను. నేను తప్పు చేశాను. ..
తనని బాద పెట్టాను. నాకు తోటి మనిషి గురించి ఆలోచించడం ఇంకా అలవాటు అవలేదు.
కానీ నేను చేసింది తప్పు . మా విషయం లో మీరు కల్పించుకోవటం ఇంకా తప్పు."
..
నా బార్య తో అన్నాను " రమ్మీ నేను కొట్టేది కొట్టేదే, తిట్టేది తిట్టేదే. ..
నా మీద నమ్మకం ఉంటే వచ్చేయ్. లేదా ఉండిపో."
..
విసురుగా లేచి బస్ స్టాండ్ కి వచ్చెను...
..
సరిగ్గా రెండు నిమిషాల్లో తాను వేరే మార్గం నుండి వచ్చింది...
..
వెనక నుండి మా అత్త ఏదో చెప్పే ప్రయత్నం చేస్తుంది. ..
నా బార్య ఆమెకి నమస్కారం చేసింది.
మా జోలికి రావద్దు అనే అర్ధం అందులో ఉంది.
..
ఇది జరిగి 27 ఏళ్లయింది...
నా బార్య నామీద ఉంచిన నమ్మకాన్ని నిలబెట్టుకోటానికి నిరంతరం ప్రయత్నం చేస్తుంటాను. మరెప్పుడు తను మా అత్తగారింటిలో నిద్ర చేసిన గుర్తు లేదు.
..
పోయామా ? వచ్చామా ? అంతే.
వాళ్ళే వచ్చి మా వద్ద ఉండి పోతుంటారు..
...
ఎందుకో గుర్తొచ్చింది...
..
చిన్న వయసులో పెళ్ళయిన మాకు ఎంతో మార్గదర్శనం ..
చేసిన చంద్ర శేఖర్ ఆజాద్ బాబాయికి, జానకి అక్క కి
(అలానే పిలిచే వాళ్లం ఇద్దరం: ఈ మధ్యే షష్టి పూర్తి చేసుకున్నారు )
మా పాదాభివందనం.
..
బాబాయ్ నిన్ను వదలా grin emoticon
‪#‎susri‬

No comments:

www.susri.home.blog

  అందరికీ నమస్తే 66o పోస్టులు పైగా వ్రాసిన ఈ బ్లాగ్ లోని నా పోస్ట్ లలో  చాలా అచ్చుతప్పులు ఉండటం గమనించాను.  వాటన్నిటినీ ఎడిట్ చేస్తూ, modify...