Monday, 30 November 2015

గార్గేయి

ఆరేళ్ళ పిల్లాడు వర్క్ ఫ్రమ్ హోమ్ అటెండవుతున్న తండ్రి దగ్గరకి వచ్చాడు.
“డాడీ నేను మన నెక్స్ట్ రోడ్ థర్డ్ హౌస్ లో ఉంటున్న ఫౌల్ట్రీ ఫారం 
రామనాధం గారి అమ్మాయి గార్గేయి ని మార్రెజ్ చేసుకుంటాను” అన్నాడు 
..
తండ్రి షాక్ అయ్యాడు. లాప్ టాప్ స్లీప్ బటన్ నొక్కి అరచేతిని ..
అడ్డువుంచుకుని నవ్వుని కనిపించకుండా దాచేశాడు.
..
‘ఏది ఆ యు కె జీ పిల్లానా? “..
..
“అవును . పెళ్లయాక ఒకవారం ఇక్కడ ఉంటాం. మరో వారం అక్కడ ఉంటాం “.. తండ్రికి ముచ్చట వేసింది. ఈ మాత్రం స్పష్టత లేక 30 నిండినదాకా పెళ్లి చేసుకోనందుకు బాద పడ్డాడు.
..
“మరి అక్కడికి ఇక్కడికి రాను పోను కష్టం కదా ?” కొడుకుతో తను సీరియస్ గా అడిగాడు.
“నాకు కిడ్స్ బైక్ ఉందిగా తనకి ట్రై సైకిల్ ఉంది “..
..
తండ్రి సెల్ మ్యూట్ లో ఉంచి ‘ఆడియో రికార్డింగ్’ బటన్ ప్రెస్ చేసి ..
మాట్లాడటం మొదలెట్టాడు. చాలా విషయాలకి బుడ్డోడి దగ్గర
సంతృప్తి కరమయిన సమాదానాలు ఉన్నాయి.
..
ఇక ముసుగులో గుద్దులాట ఎందుకని తండ్రి అదిగాడు...
..
“మరి బాబూ .. పెళ్లయాక పిల్లలు అది ఉంటారు కదా వారి సంగతి ?”..
..
“నా దగ్గర ఒక ప్లాన్ ఉంది డాడీ . తను గుడ్లు పెట్టగానే కాలితో తోక్కేస్తాను.పిల్లలు పొదగ కుండా “
..
తండ్రి కి సృహ తప్పింది...
‪#‎susri‬
చిరంజీవి సాయి చందు కి జన్మదిన శుభాకాంక్షలు.





Sunday, 29 November 2015

వారుణీ వాహిణీ

ఒకాయన సారాయి వ్యాపారం చేసి బాగా కూడబెట్టాడు. ప్రస్తుతం మార్కెట్ ఉన్న వ్యాపారం అదొక్కటే.
డబ్బు సంపాదించాలన్నా, కాజేసుకోవాలన్నా సినిమా లని మించిన విషయం లేదని హైదరాబాదు లో అందరూ చెబుతుంటే విని వెంటనే విమానం ఎక్కేశాడు . ముంబై లో దిగగానే ఒక స్టార్ హోటల్ లో దిగి సెక్రయిటరీ ని ఏర్పాటు చేసుకున్నాడు.
విషయం అంతా విని వెంటనే వారుణి వాహిణి అని అనే ప్రొడక్షన్ కంపెనీ రిజిస్టర్ చేస్తూ కొన్ని సినిమా టైటిల్స్ కూడా పనిలో పనిగా రిజిస్టర్ చేయించాడు. మచ్చుకి కొన్ని ..
 సోడా అక్బర్
పెగ్ పియాతో డర్ణా క్యా
రమ్ దే బసంతి
హిక్ హిక్ హోతా హై
దారు దాస్
మైనే క్యా పియా
రమ్ మారో రమ్
మైనే డ్రింక్ తుజ్కో దియా
బీర్ జమీన్ పే
ఏక్ థా బాగ్ పైపర్
హామ్ ఫుల్ హొ చూకే సనం
రం నే పిలా ది తోడి.
బాటిల్ రాథోడ్
ఉల్టీ కర్ ది ఆప్ నే
విస్కీయా పీనేవాలా బాటిల్ లే జాయెగా
#susri



పేరు చెప్పు

కొత్త బండి మీద స్పీడ్ లిమిట్ దాటగానే
..
ట్రాఫిక్ పోలీస్ ఆపేశాడు...
..
చలానా బుక్ తీసి .. "పేరు చెప్పు "..
..
సార్ పొరపాటయ్యింది సార్ ..
.
పేరు చెప్పు ?.
..
ఈ ఒక్కసారికి వదిలేయ్యండి సార్...
.
పేరు చెప్పు..
.
ఇంకెప్పుడూ స్పీడ్ గా బండి నడపను సార్..
.
పేరు చెప్పు?
సార్ .
..
పేరు చెప్పమన్నానా?..
.
త్రికులవేట్టి త్రక్కపరబుల్ క్షీరేంద్ర ....
..
చలానా బుక్ మూసేసి " ఇంకెప్పుడూ వేగంగా వెళ్లకు " 

ఇక్కడా అదే పరిస్తితి

ఫ్లైట్ టెక్ ఆఫ్ అయిన అయిదు నిమిషాలకే అనౌన్స్మెంట్ మొదలయ్యింది.
..
"ఎయిర్ ఇండియా వెల్కంస్ యు. దిస్ ఇస్ ఫ్లైట్ నెంబర్ 273 లీవింగ్ టు పట్టాయా తాయ్ లాండ్ 
ఓ అబ్బా, మంట .. మంట .. మంట, కాల్తుంది .. చచ్చాన్రా బాబోయ్ "
..
విమానం లో వాళ్ళందరికీ చెమటలు పట్టాయి.
కాక్పిట్ నుండి వచ్చే కేకలకీ అందరి ప్రాణాలు పోయినంత పని అయ్యింది.
మరు నిమిషం లోనే మరో ప్రకటన.
..
క్షమించండి నేను వైస్ కెప్టెన్ రాకేశ్ మెహ్రా ని మాట్లాడుతున్నాను.
ఎయిర్ హోస్తెస్ వేడిగా ఉన్న కాఫీ నా ఫాంట్ మీద ఒలక పోసింది.
కావాలంటే తడి చూసి ఎవరయినా కన్ఫర్మ్ చేసుకోవచ్చు."
..
"అరె నీ యబ్బ .. ఇక్కడ కూడా అదే పరిస్తితి..
నువ్వు కూడా వచ్చి చూసుకోవచ్చు "
కొత్తగా ఫ్లైట్ ఎక్కిన సుబ్బారావు అరిచాడు. 

ఆమెన్

ఈ ఆదివారం సిటీ చర్చ్ లో ఒక వీడ్కోలు సభ జరగనుంది.
25 సంవత్సరాలుగా విధులు నిర్వహించి తన సక్సెసర్ ని నియమిస్తున్న వేడుక.
సన్మాన ఏర్పాట్లు భారీగా జరిగాయి, ప్రముఖ జనాదరణ కలిగిన MP గారి ని అద్యక్షుడిగా పిలిశారు. మూడు వేల మంది ముందు మాట్లాడే అవకాశం రాజకీయనాయకులు వదులుకోవటం అరుదు. ఈయన అంగీకరించారు.
***
చుట్టూ పక్కల గ్రామాలనుండి కూడా దైవ జనులని ప్రోగు చేశారు.
కార్యక్రమం సరిగ్గా సాయంత్రం అనుకున్న టైమ్ కి మొదలయ్యింది.
MP గారు పూర్తి ఇండియన్ పంక్చువాలిటీ మనిషి కనుక పత్తా లేదు
పి ఏ కి ఫోన్ చేస్తే "వస్తున్నారు.. బయలుదేరుతున్నారు ' అని ప్రతిసారి సమాదానం.
కాలా తీతమయ్యింది . వక్తలందరు మాట్లాడారు. MP గారు పత్తాలేరు.
సభికుల అందరి సమయాన్ని ఇంకా వృధా చేయకుండా .'వీడ్కోలు గ్రహీత'' ని మాట్లాడమన్నారు.
**
"నేను మొదటిసారి ఈ చర్చి ఫాదర్ గా వచ్చిన రోజు నాకింకా గుర్తే.మొట్ట మొదటి కన్ఫెషన్ బాక్స్ లో కూర్చున్నప్పుడు మొదటగా ఒక మగ మనిషి అటునుండి మాట్లాడటం విని పించింది
..
" తను డ్రగ్స్ వాడతానని, చాలామంది ట్రాన్స్ జెండర్ లతో సంబందాలు ఉన్నాయని, తాజాగా ఒక టి వి దొంగిలించానని, జైలు లో ఆరునెలలు గడిపానని, తరువాత తనకి పని చూపించిన ఇంట్లో పని మనిషితో వ్యవహారం నడిపానని , ఆమె రెండో బిడ్డ కి తానే తండ్రినని "..
ఇంకా కొన్ని చెప్పాడు.
..
నాకు కళ్ళు తిరిగినంత పని అయ్యింది. కాలం గడిచే కొంది ఇలాటివి మాములయ్యాయి. మనం చేసిన అన్నీ పాపాల నుండి మనన్ని కాపాడేది దైవ స్మరణ మాత్రమే. తప్పులు తెలుసుకుని మళ్ళీ అవి చెయ్యనివాడే నిజమయిన దైవ సేవకుడు "
***
హటాత్తుగా MP గారు వచ్చారు.
వేదిక మీదికి రాగానే ఆయన ప్రసంగం మొదలయ్యింది.
..
"అనేక పనుల వత్తిడి వల్ల లేటుగా వచ్చాను . ..
మన్నించండి. నేను ఇంత వత్తిడిలోను ఇక్కడికి రావటానికి కారాణం నాకు ఫాదర్ కి ఉన్న అనుబంధం.మీ అందరికీ ఒక నిజం చెప్పాలి. మీరు నమ్మలేనిది. ఈ చర్చి కి ఫాదర్ గా ఈయన వచ్చాక మొట్టమొదటి సారిగా కన్ఫెషన్ బాక్స్ లో కూర్చుని సాక్షం చెప్పిన వ్యక్తిని నేనే " సబికుల వైపు చూస్తూ ఆయన అగాడు.
****
#justforfun

Saturday, 28 November 2015

ఏం జరుగుతుందో అర్ధమయ్యేసరికి -33


ఉదయం ఎనిమిది కల్లా అందరం పొగయ్యాం.
ఏడెనిమిది కార్లు, అందులో మెకాన్ ఇంజనీర్లు, మిలట్రీ గేరీజన్ ఇంజనీర్లు, కొన్ని కొత్త మొఖాలు కూడా ఉన్నాయి. మా మెస్ లోంచి రుచికరమయిన టిఫిన్, చిక్కటి కాఫీలు అన్నీ సిద్దం. అంధరం వాటర్ టాంక్ (యూనిట్1515) వద్దకి చేరాం. ..
..
ఒక ఆపరేటర్ నడిపే నిలువైన లిఫ్ట్ మీద బిగించిన చక్క తొట్టి లో పైకి వెళ్ళాం.
పక్కనే మరో లిఫ్ట్ కంక్రీట్ బకెట్ తో సిద్దంగా ఉంది. వంచడానికి వీలయిన బకెట్ అది. సరిగ్గా అది పైకి చేరే చోట నుండి ఒక ఏటవాలుగా రేకు ఒకటి తాత్కాలికంగా బిగించి ఉంది. డ్రమ్ లోంచి వంచి నపుడు కాంక్రీటు ఆరేకు మీద నుండి జారీ గ్లాసు లాటి టాంక్ అడుక్కి చేరేట్టు అన్నీ ఏర్పాట్లు చేసుకున్నారు వర్కర్స్. 
కాంక్రెట్ బక్కెట్ ను లిఫ్ట్ మీద ఒక కాలు ఉంచి మరో కాలు స్కాఫోల్డింగ్ మీద ఉంచి వంచే చోట సవారిని ఉంచాను. నడుముకి బెల్ట్ కట్టుకునెట్టు జాగర్తలు చెప్పాను.
కింద నున్న నీటి గుంట లో లీక్ పూఫ్ లిక్విడ్ పోసి కర్రలతో కలియబెట్టి ఉన్నారు
దానినే హాఫర్ మిల్లర్ లో పొసెట్టు గా ఒక కుర్రవాడిని పెట్టాం. ..
,,
మందపాటి ట్యూబ్ ముక్కలు అరచేతి వెడల్పులో ఉంగరాల మాదిరి తాళ్ళు కట్టి, తలకి కండవా పురికొసతో కట్టుకుని, చీరల మీద చొక్కాలు వేసుకుని ఆడ కూలీలు సిద్దంగా ఉన్నారు. హఫర్ మిల్లరు, కి అందుబాటులో కంకర , ఇసుక, QHPC సిమెంట్ సిద్దం. బస్తాలు, 
బన్నుల టెంపో సరే సరి. 
..
సీనియర్ ఇంజనీర్లు స్టీల్ రాడ్లు చెక్ చెయ్యటం, వాళ్ళు సూచించిన మార్పులు చెయ్యటం, రెండు పొరల స్టీల్ మ్యాట్ మధ్య గాప్ ఉండటం కోసం గుర్రాలు (వంచిన రాడ్లు ) వెల్డింగ్ చేయించడం అయ్యి, పనికి మొదలుకి గ్రీన్ సిగ్నల్ ఇచ్చే సరికి మద్యాహ్నం మూడయింది.
..
అందరూ తిండి తిని పని మొదలెట్టాము. పరిమాణం ఎక్కువ పైగా చాలా చీదర పని...
..
టాంక్ పైభాగాన నేను కొన్ని ముఖ్యమయిన డ్రాయింగ్ లు పట్టుకుని, ..లాల్ జి ఒక ఒక చిన్న మైక్రో ఫోన్ మౌత్ పీస్ పట్టుకుని ఉన్నాం ఇద్దరికీ గ్రిప్ బూట్లు , తలకి హెల్మెట్, నడుముకి సేఫ్టీ బెల్ట్ ఉన్నాయి. ఒక్క కుండ కాంక్రీట్ పూర్తిగా వినియోగం లోకి వచ్చాక మాత్రమే రెండో కుండ పంపాలి అని సుపర్వైజర్లకి చెప్పాం. లోపల బాగం స్పష్టంగా కనబడేటట్టు ఫ్లడ్ లైట్లు వెలుగుతున్నాయి పగటి వేళ లోనే. రెండు వైబ్రెటర్ లు ఒకటి ఫ్లాట్, మరోటి నీడిల్ వి ఉపయోగం లో ఉన్నాయి.
..
ఇక తిరునాళ్ళ మొదలయింది. మనం ఏమి చేసినా, చెప్పినా మొదలయిన అరగంట వరకే . తరవాత మన కంట్రోల్ లో ఏమి ఉండదు. తృపి కోసం కేకలు , సూచనలు చేస్తుంటాం కానీ వాటి అమలు మాత్రం అనుమానమే. ఇంజనీర్లు అందరికీ ఇది పరిచయమైన విషయమే. ..
..
పని కొనసాగుతూ ఉంది. రాత్రి 8-00 కి వర్కర్లు మారారు. ..సవారిని కిందకు దించేశాం. నా ప్లేస్ లో ఈశ్వరమణీ, లాల్ జి స్థానం లో వారి సబ్స్టిట్యూట్ డ్యూటి తీసుకున్నారు. 
మేమిద్దరం మా రూమ్ కి వెళ్ళి ఫ్రెష్ అయ్యాం. మెస్ లో లైట్ గా టిఫిన్ చేశాం . 
లాల్ జి తో కలిసి పుల్కాలు తిన్నాను. రెండు గంటల పాటు నడుం వాల్చి మళ్ళీ సైట్ కి వెళ్లాము.
..
పని కొనసాగుతూనే ఉంది. మేం లిఫ్ట్ లో పైకి వెళ్ళి వారిని కిందకు పంపించాం .ఈశ్వరమణి గారు నాకు అన్నీ జాగర్తలు చెప్పి తను తెల్లవారే లోపు వచ్చేస్తానని, నా వద్ద బారోసా తీసుకుని వెళ్లిపోయాడు. మరి కొద్ది సేపటికి మళ్ళీ కూలీలు , బెల్దార్లు మారారు. సవారి అతని స్థానం లోకి మూడో షిఫ్ట్ లో వచ్చి చేరాడు. అతను కొంచెం ఎక్కువ ‘బస్తాలు’ వాడినట్లు నాకు అనిపించింది. నా చూపులని తప్పించుకుంటూ అతను బెల్ట్ కట్టుకున్నాడు. మళ్ళీ వర్క్ మొదలయ్యింది. రెండు గంటలు గడిచాయి. చంద్రుడి వెన్నెల వెండి పోరాలా ఉంది. తెల్లవారు ఝాము మొదలవ బోతుంది. 
అప్పుడు జరిగింది ఆ సంఘటన. పైకి వచ్చిన కాంక్రీట్ కుండ వంచే లోపు లిఫ్ట్ బర్రున రెండు మీటర్లు జరిగి ఆగింది. వర్కర్స్ అందరినీ మార్చాము కానీ లిఫ్ట్ ఆపరేటర్ వరుసగా పని చేస్తూనే ఉన్నాడు. అలసిన అతను నిద్ర మత్తులో లివర్ పట్టు వదలటం వల్ల జరిగిందా ఘటన. 
అప్పటికే ఒక కాలు లిఫ్ట్ పైకి పెట్టి కుండ వంచబోతున్న ‘సవారి ‘ లిఫ్ట్ తో పాటు జారాడు.
అతని నడుముకి బెల్ట్ అలానే ఉంది స్టీల్ పోస్ట్ కి హుక్ చేసి లేదు.
దాదాపు 50 మీటర్ల ఎత్తులో జరిగిందా విషయం. ఆకాశం లో పండు వెన్నెల కురుస్తుంది.
నా చేతిలో ఫైల్ జారీ పోయింది కాగితాలు చెల్లా చెదురుగా నేల మీదకు గాలిపటాల్లా జారుతున్నాయి. లాల్ జి చేతిలో మౌత్ పీస్ వదిలేశాడు “ బాప్ రే “ అనే శబ్దం అతని నోటి వెంట పెద్దగా వచ్చింది. ఏం జరుగుతుందో అర్ధం ఆయ్యేసరికి అంతా జరిగిపోయింది.. అసహాయంగా, నిర్వేదంగా అక్కడి నుండి జారుతూ నేలవైపు వెళ్తున్న ‘సవారి’ శరీరాన్ని ఫ్లడ్ లైట్ల వెలుగులో చూస్తూ ఉన్నాను. 
#33grade

హైర్ కట్ -32

అలసిన సాయంత్రాలు కి ఆటవిడుపుగా TV లో వచ్చే బునియాద్ , బంకేష్ బక్షి లాటి సిరియల్స్ దురదర్శన్ ప్రైమ్ టైమ్ లో ఇరగదేసేవి. నా రూములో మంచం మళ్ళీ మళ్ళీ విరిగిపోయేది. మంచం విషయం ఏ‌ఓ ఆదినారాయణ గారితో చెప్పటం , ఆయన నన్ను ఎగాదిగా చూడటం ఎండుకని నేలమీద చాప వేసుకుని పడుకోవటం మొదలెట్టాను. .
పగలంతా పని చేసి ఒక్క ముద్ద తిని పడుకుంటే ప్రాణం ఎటో వెళ్ళి పోయేది.
..
ఎంత టోపీ వాడినా, తలంతా సిమెంటు /దుమ్ముతో నిండి పోయేది. రోజు చన్నీళ్లతో తల స్నానం చెయ్యటం లేదా ఓక్కోసారి చేయటానికి బద్దకించడం వల్ల జుట్టు రాలటం మొదలెట్టింది. 
..
యూనిట్ 1010 పని సాగుతూనే ఉంది. ఒక వైపు నుండి ప్రీ కాస్ట్ చేసిన మూతల తో కేబుల్ చానెల్ మూసి వేసి రెండు వైపులా మట్టి ని మిగిలిన గాడిలో పొయ్యటం సరయిన రీతిలో క్యూరింగ్ లాటివి చెయ్యటం జరుగుతుందేవి. సబ్ స్టేషన్స్ ని కలిపేటప్పుడు మాత్రం వర్క్ కొంత భిన్నంగా ఉండేది అక్కడ కొంత ఎక్కువ పర్యవేక్షణ అవసరం అయ్యేది. 
..
అనుకోకుండా సవ్యంగా సాగిపోయే పనిలో మరో ఇబ్బంది ఎదురొచ్చింది. యూనిట్1010 వర్క్ రెండు పూర్తి కావస్తున్న బిల్డింగ్ ల మధ్యగా వెళ్లాల్సి వచ్చింది. దానివల్ల ఏమి ఇబ్బంది లేదు కానీ. యర్త్ వర్క్ చేసేటప్పుడు ఒక పెద్ద కొండ రాయి అడ్డుగా వచ్చింది. మాన్యువల్ గా పలగలకొట్టించడం వీలవనిది. బ్లాస్టింగ్ చేయటానికి రెండువైపులా ఫినిషింగ్ స్టేజ్ లో ఉన్న బిల్డింగ్స్ (కిటికీలకి అద్దాల బిగింపు జరిగి ఉంది.) మీద బ్లాస్టింగ్ ప్రభావం తీవ్రంగా ఉంటుంది.
అనేక చర్చల తర్వాత ‘కంట్రోల్డ్ బ్లాస్టింగ్ చేయాలని, అది ఒక ఆదివారం చేస్తామని మేకన్ వాళ్ళకి చెప్పాం. 
..
కంపెనీ లో మరో గొప్ప అలవాటు ఉండేది. సాయంత్రం 6 గంటల తర్వాత కాంక్రీట్ వర్క్ జరిగితే అదనపు బత్యం జీతం లో కలిపి ఇచ్చేవారు. ఆదివారాలు పని చేస్తే 100 రూపాయలు అదికంగా చెల్లించేవారు. 
..
రెండు నెలల కాలం లో సవారి నాకు అత్యంత ప్రియమయిన బంటు అయిపోయాడు. నేను నావద్ద రెగ్యులర్ గా పనిచేసే హమాలీలు సెలవు తీసుకున్న రోజు మస్టర్ వేసి కనీసం వారానికి రెండు కూలీలు(2x20రూ) అతనికి అదనంగా వచ్చే ఏర్పాటు చేస్తుండేవాడిని.
..
వాటర్ టాంక్ వర్క్ నేను టేక్ అప్ చేసినప్పుడు నేను పెట్టిన కండిషన్ నాతో బాటు సవారిని కూడా అక్కడికే తీసుకెళ్లి పని చేయించుకుంటానని. 
**
ఆరోజు ఉదయం మాకో విషయం తెలిసింది. ఎవరో ‘శరవణా ఇంజనీరు’ వర్కర్స్ కాలనీ వద్ద నెత్తురు గాయాలతో స్పృహతప్పి ఉన్నాడని. అప్పుడే మేము ఒక్కొకరం డ్యూటీ కి సిద్దం అవుతున్నాం. ఒక్క సారిగా ఎలా ఉన్న వాళ్ళం అలానే జీపు తీసుకుని బయలుదేరాం.
..
“హనుమంతప్ప ఎక్కడ ?” ఎవరో మరొకరిని అడుగుతున్నారు. 
..
కిలోమీటరు దూరం లోని వర్కర్స్ ఏరియాకి చేరం. తీరా చూస్తే కరుణాకర్ అనే మలయాళీ , బెల్ బాటమ్ ఫాంట్లు తప్ప మరోటి వెయ్యడు. ఎక్కడో జరిగిన బ్లాసింగ్ రాయి వచ్చి అతని నుదుటిని తాకింది. రక్తం కారిపోతూ ఉంది అతను కళ్ళు తేలేశాడు. 
అందరికీ కంగారు మొదలయ్యింది. 
మా సుపర్వైజర్ ఎవరో ఆఫీసు నుండి ఈశ్వరమణీ ఇంటికి ఫోన్ చేశారు. పదంటే పని నిమిషాలలో నైట్ ఫాంటు తో నే యెజ్ది బండి మీద ఒక RMP ని వెంటబెట్టుకుని ఆయన వచ్చాడు. 
..
వచ్చిన RMP ఫస్ట్ అయిడ్ చేశాక అతన్ని అదే జీపులో సిటీ కి పంపారు తోడుగా మరో మలయాళీ , ఒక స్థానిక సుపర్వైజర్ వెళ్లారు. ఈశ్వరమణీ డబ్బు ఇచ్చి పంపారు.
మాతో ఉన్న ఒక అటెండెంట్ ని చడామడా తిట్టటం మొదలెట్టాడు. 
..
“ హైర్ కట్ చేయించుకొటానికి ఇంజనీర్లు వర్కర్స్ కాలానికి వెళ్లాలా? ఇంక వీళ్ళ మాట వాళ్లెం వింటారు ? వీళ్ళు వాళ్ళ చేత ఏమి పని చేయిస్తారు. పోయి బార్బర్ ని ఇక్కడి కి పిలుచుకు రాలేవా ?ఇక నుండి వీళ్ళు అక్కడి కి వెళ్లారని తెలిస్తే ఊరుకొను “ అంటూ..
..
కనుణాకరన్ అక్కడికి పొద్దుటే ఎందుకు వెళ్లాడో , 
హనుమంతప్పతో పాటు ఈశ్వరమణీ గారికి కూడా తెలుసని మా అందరికీ తెలుసు. 
మా అందరి మర్యాద కాపాడటానికి ఆయన అలా మాట్లాడాడని అర్ధమయింది.
‘ఈశ్వరమణి’ అంటే గౌరవం కలగటానికి అదో కారణం.
#33grade

Friday, 27 November 2015

పెరిగిన జీతం -31



మా రూములో టి‌వి అయినా తీసేయాలి లేదా నా మిత్రులు నా మంచం మీద కూర్చోటం అయినా ఆపేయాలి.  పైగా టీవి చూస్తూ  తిన్న బజ్జి పోట్లాలు మా రూము ఒక మూల లో  ఉన్న అట్టపెట్టే దస్ట్ బిన్ లో వేసి వెళ్తారు. ఎప్పుడో వారానికి ఒకసారిమేము కేకలేస్తే గాని పనావిడ అట్ట పెట్టె లోని చెత్త బయట వెయ్యదు. మంచం తో పాటు కొన్ని కుర్చీలు కూడా కొంటె కానీ సమస్య తీరదు.
“టి‌వి చూసేటప్పుడు అందరం కూర్చుని, బరువుకి వంగి విరిగి పోయింది.” చెప్పాను.
ఆ రోజు ఒక వెల్డర్ వచ్చి దానికి మరో రాడ్డు ముక్క వేసి వెల్డింగ్ చేసివెళ్ళాడు. రూమ్ అటెండెంట్లు  మళ్ళీ నవారు అల్లారు .
**
యూనిట్ 1010 గాడిలో పడగానే నాకు మరో వర్క్ అదనంగా కేటాయించారు.
మూడు బార్ గ్లాసులు మూడు ఎత్తుల్లో నిలబెట్టినట్టు మూడు పిల్లర్ల మీద నిర్మాణం అది. ఒకటి డ్రింకింగ్ వాటర్ కి మరోటి, ఇండస్ట్రియల్ యుటిలిటీ కి, మరోటి క్వార్తెర్స్ కనెక్టివిటీ కి . చాలా అద్బుతమయిన డిజైన్. అన్నిటి కంటే ఎక్కువ ఎత్తు ఉన్న బార్ గ్లాస్ టాంక్ టాప్ నేల నుండి 58 మీటర్ల ఎత్తులో ఉంటుంది. (ఛార్మినార్ ఎత్తు 56 మీటర్లు )

మూడు మొఖాలు కలిగిన మూడు పిల్లర్లు అక్కడక్కడా బ్రేసెస్ తో కనెక్ట్ అవుతూ నిర్మాణం పైకి వెళ్లింది. క్రింద బాగాన నేలలో ఏర్పాటు చేసిన పెద్ద వాటర్ టాంక్, చుట్టూ ఆక్రో షా అనే కంపెనీ స్కేఫోల్డింగ్ ఏర్పాట్లు జరిగి ఉన్నాయి. దాదాపు మొదటి బాటమ్  శ్లాబ్ దశలో ఉంది. ఆ యూనిట్ చూసే AE జాబ్ ఒదిలి వెళ్ళటం తో నా స్థాయికి  మించిన వర్క్ అయినప్పటికి నాకు కేటాయించడం జరిగింది. లక్కీ ఏమిటంటే దానికి కూడా ఇంచార్జ్ లాల్ జీ నే J గమ్మత్తుగా లాల్ జి అడ్డం తిరిగాడు. ఒక JE తో ఎలా వాటర్ టాంక్ చేయిస్తారు. పైగా QHPC (Quick Hardening Portland Cement) వాడ బోతున్నాం. సీనియర్ ఇంజనీరు ని నియమించండి . గట్టిగా చెప్పడతను.  

“ఓ సెవెన్ ఫిఫ్టీ వాలా క్యా కరేగా? కోయి నౌ సౌ వాలేకో లగాలో “  (AE లకి జీతం 900)
రెండు రోజులు చర్చల తర్వాత నా నెల  జీతం 900 కి పెరిగింది. లాల్ జి ఎత్తుగడ ఫలించింది.
ఒక నిలువయిన లిఫ్ట్ కాంక్రీట్ అందాకా తీసుకళ్ళటానికి బిగించి ఉంది. నేనా వర్క్ తీసుకునే సరికి గ్లాస్ లాటి షేప్ బాటమ్ షట్టరింగ్ వర్క్ జరుగుతుంది. లాల్ జి , నేను ఈశ్వరమణీ  గారు లిఫ్ట్ లో పైకి వెళ్ళాం . ఇనుప స్కాఫోల్డింగ్ పైన అడ్డంగా చక్కలు వేసి ఉంచారు. తలకి సేఫ్టీ టోపీ నడుము నుండి స్టీల్ పోస్ట్ కి హుక్ చేసిన సేఫ్టీ బెల్ట్ వేసుకున్నాం.

బాటం అర్ధచంద్రాకారం లో షట్టరింగ్ చేయటానికి శ్రమిస్తున్నారు.  ఇద్దరు ముగ్గురు వెల్దేర్స్ షేప్ కి అనుగుణంగా  ఐరన్ యాంగిల్స్ , వాటికి మందపాటి రేకులు కట్ చేసి వెల్డింగ్ చేస్తున్నారు. చాలా సంక్లిష్టమయిన పని అది.
అంత ఎత్తు నుండి ఒక్కసారి క్రిందకి చూస్తే కళ్ళు తిరిగినట్లు అనిపించింది. కింద నున్న పెద్ద వాటర్ టాంక్ పై నుండి చూస్తే చిన్న నీటి తొట్టిలాగా అనిపించింది.
బాటమ్ శ్లాబ్ వర్తులాకారం లో చేయాల్సి రావటం తో లోపల పక్క షట్టరింగ్ చేసే అవకాశం లేదు. కాంక్రీట్ వెయ్యటం, వైబ్రెట్ చెయ్యటం కావల్సిన షేప్ లోకి సరిచేయటం మూడు ఒకే సారి జరగాలి. వర్కర్లు , మేము , మేకాన్న్ వాళ్ళు అందరి సమీష్టి ఆర్గనైజేషన్ తో ముడిబడిన వ్యవహారం. బాటమ్ షేపు ఒక మట్టానికి వచ్చే వరకు QHPC వాడాలని మెకోన్ వాళ్ళ నిర్ణయం .
కొన్ని  సాంకేతిక విషయాలు ఈ పేరా లో చెబుతాను. ఇంట్రెస్ట్ ఉన్న వాళ్ళు చదువుకొండి.
సహజంగా తయారయ్యాక సెల్లాస్ లో నిలవ ఉంచే సిమెంట్ లారీ లోకి లోడ్ అయ్యేటప్పుడు మాత్రమే దానిని దృడపరిచేందుకు అవసరమయిన జిప్సం లాటి పదార్ధాలని కలిపి లోడ్ చేస్తారు. ప్రధానంగా సిమెంట్ గట్టిపడటం అనేది జిప్సం రేషియో ని బట్టి ఉంటుంది. (అప్పట్లో 43 grade/53 grade సిమెంట్లు లేవు) QHPC లో అది మరి ఎక్కువ పరిమాణం లో ఉంటుంది. మిక్సర్ లోనుండి బయటకి వచ్చిన రెండు నుండి 5 నిమిషాల్లో నే ఇది గట్టి పడుతుంది. (ఇనీషియల్ సెట్టింగ్ టైమ్ అంటాం సాంకేతికంగా) అండర్ వాటర్ వర్క్స్ కి ఎక్కువగా వాడుతుంటామ్ దీనిని. మిల్లర్ లోంచి లిఫ్ట్ చేసి అచ్చులోకి పోయటం లేటయితే లిఫ్ట్ టబ్ లోనే కాంక్రీట్  గట్టిపడే ప్రమాదం ఉంది.
మేజర్ కాంక్రీటింగ్ జరిగేటప్పుడు ఆడా మగా తేడా లేకుండా శ్రమిస్తుంటారు, రాత్రింబగల్ల తేడా ఉండదు కింద ఉన్న సుపర్వైజర్ లు ఏమాత్రం పని సిక్ అవకుండా వర్కర్స్ ని మారుస్తుంటారు. పని పూర్తి అయ్యి సైట్ ఇంజనీరు చెప్పిందాకా టైమ్ అనేది ఎవరు చూడరు. చుట్టూ ఫ్లడ్ లైట్స్ వెలుగుతూ రాత్రిం పగళ్ళ తేడా తెలియనివ్వవు. ఒక పక్క ఆపి ఉంచిన టెంపోలో బస్తాలు (సారాయి), బన్నులు సిద్దంగా ఉంటాయి. కూలీలు బస్తానీ తీసుకుని చేతితో చాకచక్యంగా వత్తుతారు. ఒక్క చుక్క కూడా వృదా కాకుండా అది టాప్ మని తెరుచుకుంటుంది. ఒక్క గుటకలో దాన్ని మింగి  బ్రెడ్ ని నోట్లో కుక్కుకుని మళ్ళీ పనిలోకి దిగుతారు.  ఇదంతా ఒక వ్యవస్థ  ..
#33grade




ఇంకేమయినా ఇబ్బంది?

రెండు రోజుల నుండి చేతి వేళ్ళు వాచి కణుపుల వద్ద నొప్పి 
ఉంగరాలు తీసివేశాను. ఉప్పు వేసిన వేడినీళ్లలో ఉంచి కాపడం పెట్టాను. 
అయినా చెప్పుకోదగ్గ ఉపయోగం లేదు.బండి తోలటం ఆపేశాను. 
ఎటువెళ్లినా ఆటో లోనే. డాక్టర్ మామూలు చెల్లించి చాలా కాల మయింది. 
ఆయన బిల్లు కట్టి వస్తే కానీ తగ్గవని నిర్ధారణ అయ్యింది. 
**
అందుకే ఇవాళ వెలుతురు లో ఇల్లు చేరాను. ఫ్రెష్ అయ్యి .మళ్ళీ ఆటో ఎక్కి హాస్పిటల్ కి వెళ్ళాను. బాగా పరిచయం ఉన్న ఆర్ధో డాక్టర్ వద్దకి.
ఆయన అంతా విని, మొహమాటానికి వేళ్ళు వత్తి .. 
ఆయింటుమెంటు, రెండురోజుల మందులు రాసి ఇస్తూ..
"ఇంకేమయినా ఇబ్బంది ఉందా" అని అడిగాడు.
**
అవును బాగా ఇబ్బందిగా ఉంది.
ఏమిటన్నట్టు చూశాడు.
"బస్సు లో టికెట్ ఉంగరం లో ఉంచుకునేవాడిని. రెండు రోజుల నుండి దాన్ని బస్సు దిగిందాకా దాయటం బాగా ఇబ్బందిగా ఉంది "
పెద్దగా నవ్వి ఇవాల్టికి ఇదే మనస్పూర్తిగా నవ్వటం అన్నాడు
** 
బిల్లు, మందుల ఖర్చు మాత్రం మామూలే .. frown emoticon 
‪#‎susri‬

Thursday, 26 November 2015

మంచం విరిగింది. -30


చిటికినవేలు కన్నా తక్కువ పరిమాణం లో ఉండే డిటోనేటర్లు సన్నటి వైర్లు ద్వారా ఒక చోటకి కలిపి ఉంచి మరో బాటరీ సర్కుట్ కి కలిపి ఉంచుతారు. చాలా సినిమాల్లో చూపించినంత  ఘోరంగా , (సైకిల్ పంపు గట్టిగా కొట్టినట్లు ) ఉండదు బ్లాసింగ్ అంటే. చాలా సింపుల్ మన బెండకాయ స్విచ్ వేసినంత సింపుల్. కానీ దాని పరిణామం మాత్రం చాలా పెద్దది. పెద్దరాయి గుండె పగిలి బీటలు వారొచ్చు లేదా ధూఖం తన్నుకు వచ్చినట్లు పగిలిన ముక్కలు ఎంతో దూరం లో పడొచ్చు. బాగా నిపుణులు అలా ఎగిరి పడే రాళ్ళ నుండి కాపాడుకుంటూ బ్లాస్టింగ్ చేస్తారు.


అది తెల్లవారగట్లే . ఇంకా ఎవరూ దైనందికమ్ అందుకోకముందే. చుట్టూ కొలోమీటరు వరకు కర్రకు ఎర్రటి గుడ్డలు కట్టి హెచ్చరికలు జరుగుతాయి. ప్రత్యేకమయిన సైరన్ మొగుతుంది.
బ్లాస్టింగ్ చేసిన రాళ్లని ఒక ట్రెపీజాయిడల్ ఆకారం లో స్టాక్ చేస్తారు. అక్కడక్కడా వాటికి చార్జెస్ క్వాంటీటీ ప్రకారం క్లెయిమ్ చేస్తాం. తరువాత యూనిట్ 1010 పని సవ్యంగానే మొదలయింది. కింద దుడ్డు కంకర (పి‌సి‌సి 1:5:10) U ఆకారంలో స్టీల్ ఫెబృకేషన్ , ఐరన్ షట్టరింగ్, ఎం-20 కాంక్రీట్ (అప్పటికి డిజైన్ మిక్స్ లు రాలేదు) ,, ఎవరి పని వారు చేసుకుపోవటం, సజావుగానే సాగింది. ఒక వైపు పని ముందుకు సాగగానే వాలింగ్ ఆలస్యం  అయినప్పుడు ప్రీ కాస్ట్ మూతలు పని చేయించేవాడిని.
మా సుపర్వైజర్ నారాయణ  చెప్పినట్లు సవారి గొప్ప వర్కర్. అతను అతని భార్య (గర్భిణీ) మరో  చిన్న పిల్లాడిని తీసుకుని పనికి వచ్చేది సబ్ స్టేషన్ లోపల ఒక చీర కట్టి వాడిని లోపల ఉయ్యాలలో వాడిని వేసేది.
ఏ వర్కర్ లేకపోయినా , తక్కువ మంది హమాలీలు అటెండ్ అయినా సవారి ఉంటే చాలు నేను కాంక్రీట్ మొదలెట్టేవాడిని.
ఒకసారి తీరికగా ఉన్నప్పుడూ సవారి ఆహార్యం గురించి చిన్న ఆరా తీశాను.  సవారి కి  పెళ్ళయిన కొత్తల్లో ఒకసారి ఒక బిల్డింగ్ మీద నుండి పడి రెండు వారాలకి పైగా కోమాలో ఉన్నాడట, అనూహ్యంగా అతను తిరిగి కోలుకున్నప్పుడు అతని బార్య రెండు వైపు కుటుంబాలని తీసుకుని కొండకొచ్చి (తిరుమల) దంపతులం తలనీలాలు ఇస్తానని మొక్కు కుందిట. అప్పటి నుండి అంత డబ్బు పోగేయ్యటం వారి వల్ల కాలేదు కనీసం పాతిక మందితో తిరుమల వెళ్ళి రావటానికి అయిదారు వేలు ఖర్చు ఉంది. అందుకే అప్పుడప్పుడు బార్యని తిడుతుంటాడు. తీరని కోరిక కోరిందని. అతని జుట్టు ముడి కధ ఇది. అప్పటికే అతనికి ముగ్గురు సన్న బిడ్డలు మళ్ళీ ఆవిడ గర్భిణీ. ఆమె మీద కోపం ఈ విదంగా తీర్చుకుంటున్నాడు ?? :p
లాల్ జి తో నాకెప్పుడూ సమస్య రాలేదు ఒక్కే సారి వర్క్ పూర్తయాక నేను ఇన్స్పెక్షన్ రిపోర్ట్ ల మీద సంతకం చేస్యించుకునే వాడిని. కొన్ని సార్లు బ్లాంక్స్ మీద కూడా సైన్ చేసేవారు.
ఎక్కడా తోచనప్పుడు లేదా రిఫ్రెస్ అవాలనుకున్నప్పుడు నాతో కలుస్తుండేవాడు. ఇద్దరం చక్కగా కన్వీనియెంట్ గా ఇష్టమయిన సబ్జెక్ట్ లు :p  మాట్లాడుకునే వారిమి. అతని దగ్గర ఒక గొప్ప డిసిప్లైన్ ఉండేది. నాకు బాగా నచ్చినది. ఏవిషయాన్ని అయినా జనరలైజ్ చేసి మాట్లాడేవాడు ఎవరిని ఉద్దేశించి గాని , చూపించి గాని అతను మాట్లాడటం నేను ఎరగను. మేమిద్దరం ఒక్కెసారి లంచ్ కి మా మెస్ కె వెళ్ళేవాళ్లం. ఒక మెకాన్ అధికారి మా మెస్ లో బోజనమ్ చేయటం అత్యంత అరుదు. వారికి కంపెనీ వాళ్ళే సిటీ నుండి పార్సిల్ తెప్పిస్తారు. అల్లుళ్ళలాగా చూసుకుంటారు.
చాలా సార్లు నా వేతనం గురించి మాట్లాడేవాడు, తక్కువ అని అంటుండేవాడు. కానీ నేనెప్పుడు అలా భావించలేదు బయటపడలేదు. 750/రూపాయల మిగులు  అన్నీ ఖర్చులో పోను అంటే అది నాకు .చా... లా. డబ్బు (big money)
యూనిట్ 1010 పని నల్లేరు మీద నడక అయ్యింది. మొదటి జీతం తీసుకునే సరికి దాదాపు 700 మీటర్లు స్కేలిటన్ పూర్తి చేశాను. కవరు లో ఉంచిన నెలజీతం అందుకుంటుంటే నా చేతులు వణికినట్లు అనిపించింది. పని చేసి గర్వంగా తీసుకుంటున్న డబ్బు అది. తరువాత ఆదివారం 24 గంటలు పనిచేసే GPO నుండి రూ..600 నాన్నకి MO చేశాను. ప్రపంచాన్ని జెయించిన అలెగ్జాండర్ లాగా అనిపించింది.
ఓ ఉదయం AO ఆదినారాయణ ని కలిసి నా మంచం విరిగి పోయింది. కొత్తది కావాలి సారి అని చెప్పాను”
ఆయన నా 48 కేజీల శరీరాన్నిజాగార్తగా  చూసి మంచం విరిగిందా ? దాన్ని ఏమి చేస్తున్నావు?” అని నవ్వాడు.


Wednesday, 25 November 2015

సాంబారు –ఇడ్లీ -29

మర్నాడు ఉదయానికి నాకు కావల్సిన మెటీరల్స్, మిల్లరు , వర్కర్లు సిద్దంగా ఉన్నారు కానీ ట్రెంచ్ మాత్రం పూర్తి కాలేదు. మెత్తటి మట్టి మద్యలో పెద్ద పెద్ద కొండ రాళ్ళు పొడుకుకు వచ్చి ఉన్నాయి. ఈశ్వరమణీ తో మాట్లాడి కాంక్రీటు వర్క్ ఆపేసి బ్లాస్టింగ్ చేయాలని నిర్ణయించడం. వెంటనే కొంప్రెసర్ తీసుకొచ్చి వర్కర్స్ నేనిచ్చిన మార్కింగ్ ప్రకారం అడ్డం వచ్చిన రాళ్ళకి కంప్రెసర్ తో రెండు అడుగుల లోతుగా సన్నటి రెండు అంగుళాల వ్యాసంతో రంద్రాలు చెయ్యటం మొదలెట్టారు. మూడో రోజు ఉదయం బ్లాస్టింగ్ చెయ్యాలని అనుకున్నాం.


లాల్ జి తో నా ఇంటిమసి పసికట్టిన అడ్మినిస్ట్రేషన్ ఇంచార్జ్ ఆదినారాయణ మెకాన్ అప్రూవల్స్ కి నన్ను పంపేవారు. మొత్తానికి ప్రవేటు యంత్రాంగం కి ఎబిలిటీ తప్ప ఏ సర్టిఫికెట్స్ తో  పనిలేదని నాకు అర్ధం అయింది.
హిమాయత్ నగర్ లో ఉన్న మెకోన్ ఆఫీసుకి మాణీమరెన్ అనే AE నేను ఇద్దరం వెళ్ళాం.
మంచి కమ్యూనికేషన్ స్కిల్స్ ఉన్న వ్యక్తి మణిమారెన్ . చక్కటి ఇంగ్లీష్ మాట్లాడేవాడు అదీ చాలా ఈజ్ తో . లాల్ జి కి మేకన్ ఆఫీసు లో  మంచి గుర్తింపు ఉంది. నాగురించి పాసిటీవ్ గా చెప్పి ఉండటం వల్ల మా పని అక్కడ సులవు అయ్యింది. అక్కడి నుండి తిరిగి వస్తు నేను మాణీమరెన్ కలిసి టిఫిన్ చేయటానికి హోటల్ హర్ష కి వెళ్ళాం. ఒంటరిగా నేనెప్పుడు అలాటి చోటికి వెళ్లలేదు. స్టార్ హోటల్ ని తలపించే అక్కడ, కింద నున్న ఫ్లోరింగులో మా నీడలు కనిపిస్తున్నాయి. తను ఇడ్లీ సాంబారు ఆర్డర్ చేశాడు. నాకు అదే చెప్పి, నేను చూసిన  హైదరాబాదు లో ఇక్కడే నాకు సాంబార్ నచ్చేది అని చెప్పాడు. ఎంతయినా తమిళులు సాంబారు ప్రేమికులు.
నేను చుట్టూ ఉన్న పరిసరాలని గమనిస్తూ ఉన్నాను. ఖరీదయిన బట్టలు వేసుకున్న వారు, జడ వేసుకోటానికి సమయం లేని ఆడవారు, రకరకాల భాషలు , స్లాంగ్ లు, తమ ప్రపంచం తో తాము ..


బేరర్ తెచ్చిన స్పూన్ లతో అలవాటు లేని నేను తినటానికి ఇబ్బంది పడుతుంటే అతను నవ్వాడు. తన స్పూన్ లు రెండు పక్కన పెట్టి సాంబారు ఉన్న బౌల్ లో ఇడ్లీ ముక్కలు వేసి మెత్తగా నలుపుకుని తినటం మొదలెట్టాడు.
నేను విప్పరిన కళ్ళతో అతడిని చూశాను. “మేన్ వాట్ ఆర్ యు డుయింగ్ ? “ చిన్నగా అన్నాను. అతను అదేమీ విననట్టు బేరర్ ని పిలిసి పెద్ద బౌల్ లో సాంబారు తెమ్మని మర్యాదపూర్వకంగా చెప్పాడు. వచ్చాక దానిలో మిగిలిన ఇడ్లీ వేసుకుని తన స్టయిల్ లోనే ప్రశాంతంగా అక్కడ తనొక్కడే ఉన్నట్లుగా తిన్నాడు.
నేను చుట్టూ గమనిస్తూ ఉన్నాను. ఒరకంట మమ్మల్ని ఎవరో గమనించి నట్లుగా అనిపించింది. నేను కాలర్ లోకి తలని తాబేలు లాగా లాగేసుకున్నాను. ప్రపంచం మొత్తం మమ్మల్ని గమనిస్తున్నట్టు ఎగతాళి చేస్తునట్టు అనిపించింది.
టిప్ తో సహ బిల్ చెల్లించి అతను చెప్పసాగాడు. “నాకు అలా తింటేనే తిన్నట్టు ఉంటుంది.”
“డోంట్ సి స్టార్స్ (ఆశ్చర్యపడోద్దు) . దోస్ హూ లుక్ అట్ మీ డు నాట్ పె . మోర్ ఓవర్ ఐ ఈట్ ఫర్ మైసెల్ఫ్ . నాట్ ఫర్ అదర్స్ . వై షుడ్ ఐ కేర్ అదర్స్ లుక్స్ వెన్ ఐ స్టాండ్ ఆన్ మై ఓన్ ??”
నా వద్ద ఏ సమాదానము లేదు.
కానీ నాకొక జీవిత సత్యం బోదపడింది. జీవితం మనకి నచ్చినట్లు మనకోసం జీవించాలి. మరొకరి నచ్చేట్టు మనం ఎందుకు ఉండాలి ? మనం వారి కి నచ్చక పోవటం అనేది వాళ్ళ సమస్య. వాళ్ళ సమస్య కోసం  మనం ఎందుకు టైమ్ కేటాయించాలి . వారి గురించి ఎక్కువ ఆలోచించడం మన ఓటమి వారి గెలుపు. ఎక్కువ బాగం మనం ఓడిపోతునే ఉంటాం అనవసరంగా. మనం మన మనసు కి సమాదానం చెప్పుకుంటే చాలు . మనన్ని మనం చెక్ చేసుకుంటే చాలు.
థాంక్ యు మణిమారెన్ వేర్ ఎవర్ యు ఆర్ . :D


కార్తీక మాసం కొన్ని సూచనలు


మీరు మీ ఆవిడతో కలిసి ఆటో దిగగానే , మీకు ఒక బాగ్ లో ఆల్ ఇన్ వన్ పూజా సామాగ్రి 
దారాళంగా ఇచ్చేస్తుంటారు. మీ చెప్పులు తాకట్టు పెట్టుకుని . రేటు దేముంది తరవాత అడగొచ్చు అని ఆనందపడకండి. బజన.. బజనే ..
ప్రదక్షణలు చేసే టపుడు, మీ చూపులు ఆడాళ్ళ తడిచిన జుట్టు లో చిక్కు పడిపోనీకుండా క్రింద చూస్తూ నడవండి . బేపరువుగా వాళ్ళు వత్తులు వెలిగించడానికి వేసుకున్న ముగ్గు తొక్కారో, మీకు ఇత్తడయి పోద్ది . మీ బాస్ మిమ్మల్ని చాలా మర్యాదించినట్లు. 
క్యూ లో సెల్ ఫోన్ లు ఆపేసి నడవండి. వీలయితే ‘ హర హర శివ శంబో ‘ అంటుండండి.
గుడి గురించి దేవుడి గురించి మీకు తెలిసిన నాలుగు మాటలు మీ ఇంటావిడ తో చెప్పండి. మరేదయినా బాగుందని అన్నారో ఆటో ఇంటికి కాదు షాపింగ్ కి వెళ్తుందని సదా గుర్తుంచుకోండి.
పూజారి స్పష్టంగా చూసేటట్టు దక్షణ ఇవ్వండి. అప్పుడే మీకు శత గోపం, తీర్ధం దక్కుతాయని గుర్తుంచు కోండి.
వచ్చిన పని అవగానే వాయువేగంతో ఇంటికి బయలు దేరటం మంచిది. పట్టు చీరల ఇమేజ్ లు రికార్డ్ అవుతూ ఉంటాయని గుర్తెరగండి .
మీ అందరికీ కార్తీక పౌర్ణమి శుబాకాంక్షలు .. మీ సీనియర్ నుండి.
‪#‎justforfun‬

మెయిల్

జీవితం రసహీనంగా, నిరాసక్తంగా అనిపించిన ఉదయం నేనేం చేస్తానో తెలుసా ?
ఒక మోటివేటర్ ఉపన్యాసం ప్రారంభిస్తు ఆడిగాడు.. 
నా మైల్ ఓపెన్ చేస్తాను.
కనీసం అయిదారు బాంక్స్ ఈజీ లోన్స్ ఇస్తామంటాయి.
నేను GBP 100000000 ఇంకా USD 500000 గెలిచానని అదృస్తవంతుడిని అని ఒక మైల్ ఉంటుంది.
కనీసం 10 కంపెనీలు మంచి ఉద్యోగాలతో ఎదురు చూస్తుంటాయి.
అయిదారు మంచి పెళ్లి సంబందాల సైట్స్ రెడీ గా ఉంటాయి.
Dr Batra నా జుట్టు ని కాపాడతాను/ తిరిగి మొలిపిస్తాను అని వాగ్దానం ఇస్తూ ఉంటారు.
మూడు యువర్సిటీ లు నాకు ఏవేవో డిగ్రీలు ఎవ్వటానికి ఉత్శహంగా ఉంటాయి.
మరి ముఖ్యంగా ..
కనీసం 30/40 మైల్స్ లో ప్రియా, పాయల్ & నేహా ఒంటరిగా ఫీల్ అవుతూ నన్ను కలుసు కోవాలని బెంగపెట్టుకుని ఉంటారు.
దీనెమ్మ జీవితం ఇంత కన్నా ఏం కావాలి ?
సభికులందరి అటెన్షన్ ఆయన వైపు మళ్ళింది.
‪#‎susri‬

Tuesday, 24 November 2015

IQ చిట్టి

లేటెస్ట్ గా తెరిచిన బార్ అండ్ రెస్టారెంట్ లో రోబోట్ సర్వర్స్ ని ఏర్పాటు చేశారు.
మాట్లాడేవి,ఆలోచించేవి, సహకరించేవి, సర్వ్ చేసివి అన్నీ అవే ..
**
"మీ IQ ఎంత"
ఒక కస్టమర్ ని అడిగింది.
ఐ‌క్యూ 145 అన్నాడతను.
అతఃనికి డ్రింక్స్ సర్వ్ చేస్తూ స్ట్రింగ్ తీయరీ గురించి, కాన్సర్ పరిశోదనల తాజా నివేదికల గురించి కబుర్లు చెప్పసాగింది ఆ రోబోట్.
**
"మీ IQ ఎంత"
ఒక కస్టమర్ ని అడిగింది.
ఐ‌క్యూ 110 అన్నాడతను.
అతఃనికి డ్రింక్స్ సర్వ్ చేస్తూ కాంట్రావెర్షియల్ క్రిటిసిజం గురించి, అవాంఛిత గర్బస్రావం గురించి చెప్పసాగింది ఆ రోబోట్.
**
"మీ IQ ఎంత"
ఒక కస్టమర్ ని అడిగింది.
ఐ‌క్యూ 45 అన్నాడతను.
అతఃనికి డ్రింక్స్ సర్వ్ చేస్తూ 'బిహార్ మంత్రుల తెలివితేటల' గురించి మాట్లాడటం మొదలెట్టింది. ఆ రోబోట్.
‪#‎susri‬

సవారి -28


ప్రతి సోమవారం  పని ప్రారంభం అయ్యే లోపు ఒక చిన్న రివ్యూ లాటిది జరిగేది. వర్క్స్ ఇంచార్జ్ ఈశ్వరమణి నిర్వహణలో.
అయిదుభాషలు అనర్గళంగా మాట్లాడి , ఎలాటి డ్రాయింగ్ నయినా చూసి సునాయాసంగా  మా సందేహాలు తీర్చగల 4 అడుగుల 10 అంగుళాల  ఈశ్వరమణీ యైత్ క్లాస్ డ్రాప్ ఔట్ అంటే నమ్మటం చాలా కష్టం. Experience makes a man perfect కి సరయిన ఉదాహరణ .
ఆ వారం ఏమేం పనులు చెయ్యాలో , గత వారం చేసిన బిల్ల్స్ లో లోపాలు (కొంతమంది చిన్న మేస్త్రీలతో కుమ్మక్కయి ఎక్కువ యూనిట్లకి బిల్ చేసి తరువాత సొమ్ము చెరికాస్తా పంచుకుంటారట) లాటి వి బ్రీఫ్ గా మాట్లాడతాడు ఆయన.
నా వైపు తిరిగి మిస్టర్ రావు యువర్ హనీమూన్ పీరియడ్ ఓవర్. ఎందాకా వచ్చింది. మీ యూనిట్ 1010 అన్నాడు.
నేను బిత్తర పోయాను. జరిగింది చెప్పాను. వాళ్ళు అలానే అంటారు. మీరు వర్క్ మొదలెట్టండి. ఉన్న గ్రౌండ్ నుండి ఆరు అడుగులు తవ్వుకుంటూ పొండి . మద్యాహ్నం JCB





(బ్రిటిష్ మల్టీ నేషనల్ కార్పొరేషన్, UK వారి J.C. Bamford Excavators Limited అనే కంపనీ తయారు చేసే ఎస్కవేటర్ మెషీన్ , వాడుక బాషలో మనం JCB అని వినియోగించేది కంపెనీ పేరు. నిజానికి దానిని యస్కవేటర్ మెషీన్ అనాలి )  వస్తుంది మార్కింగ్ అయిపోవాలి ఈ పుట అన్నాడు.
వేడి మొదలయ్యింది. నేను అరగంట తర్వాత లాల్ జి తో సమావేశమయ్యాను. లాల్ జి అప్పటికే ఓరల్ గా అనుమతి SE గారి నుండి తీసుకుని ఉన్నాడు. నేను ఇవన్నీ చెప్పకుండా  ఈరోజు వర్క్ మొదలెడదాం అన్నాను. అతను నవ్వి షురూ కరో యార్. కూచ్ నహి బిగడ్తా అన్నాడు
నేను మైన్ స్టేషన్ దగ్గరికి వెళ్ళాక కొద్ది సేపటికి, మా సుపర్వైజర్ నారాయణ ఒక నడి వయసు  స్వామీజీ ని తన బండి మీద తీసుకువచ్చి సర్వే పరికరాలతో సహా దించాడు. మీకు ఒక మంచి వర్కర్ ని ఇస్తానని చెప్పానుగా ?” అన్నాడు నన్ను చూస్తూ.. అవును ఏడి ?  అన్నాను.
“ఇతనే ఆతను’’. అన్నాడు ఆ స్వామీజీ లాగా ఉన్నతన్ని చూపిస్తూ .
తల మీద జుట్టు, గడ్డం బాగా పెరిగి , పోషణ లేనందున ఉండలు కట్టి ఉన్న అతడిని చూసి
 ఇ  త  నా “  అనబోయి తమాయించుకున్నాను.
ఏమి పేరు ? ..      సవారి  

“స వా రా ? అలాటి పేరు ఇదే వినటం
నేను ఒక సారి ప్లాన్ అంతా కూలంకుషంగా చూసి ఉన్నాను కాబట్టి . ఒక అర  కిలో మీటరు మేర సెంటర్ లైన్ మార్కింగ్ చేసుకుంటూ వెళ్ళాను.
“ సవారి .. చాలా వింతగా అనిపించాడు. డంపీ లెవెల్ మోయటం నుండి సర్వే సిగ్నల్స్ నేర్చుకోవటం తెచ్చుకున్న కత్తి తో చెట్లు  నరికి గాతాలు వేసి మేకులు పాతటం. వాటికి తాడు కట్టి ముగ్గు పోయటం అతను చక చకా చేస్తుంటే ఆశ్చర్య పోవటం నా వంతు అయింది. కొద్ది సేపటికే నేనేమీ చెప్పే అవసరం లేకుండా అతను అల్లుకు పోయాడు. తీరా JCB వచ్చి మట్టి తవ్వకం మొదలెట్టేసరికి సాయంత్రం అయింది. ఉదయం సైటు కొచ్చే సరికి కొంత భాగం పూర్తి చేస్తానని JCB డ్రైవర్ నాతో చెప్పాడు.
రాత్రి మెస్ లో బోజనం చేస్తుంటే  సుపర్వైజర్ నారాయణ అడిగాడు ఏమేమి మెటేయల్స్ కావాలి అని
నాకు అవసరం అయినవి నేను చెప్పాను .
బోజనం అయ్యాక కొలిగ్స్ అందరూ మా రూము లో చేరారు. తఃకీకత్ అని ఒక అపరాధ పరిశోదన సీరియల్ చూడటం కోసం.

టి‌వి ఎదురుగా ఉన్న నా మంచం మీద నలుగురు అయిదుగురు కూర్చున్నారు. అన్నీ రూముల్లో ఉన్న ఫోల్డింగ్ ఇనుప కుర్చీలు తేప్పించుకుని మిగిలిన వాళ్ళు సర్దుకు కూర్చున్నారు.
మా వద్ద అటెండెంట్ గా ఉన్న పిల్లాడిని డబ్బులిచ్చి వర్కర్స్  కలానికి పంపారు. అక్కడ బస్తాల (?)’ కొట్టు పక్కన తయారయ్యే వేడి వేడి మిరపకాయ  బజ్జీలు తెప్పించారు. అవి తింటూ సరదాగా జోకులు వేసుకుంటూ అందరం బ్లాక్ & వైట్ టీవి చూడ సాగాము. మా అందరిలో హనుమంతప్ప అనే కళ్ళజోడు పెట్టుకునే ఏ‌ఈ లేకపోవటం నేను గమనించాను.
“వేర్ ఈజ్ హనుమంతప్ప?” కన్నడ శ్రీనివాస్ ని అడిగాను.
అతను నవ్వి “ ఈవెనింగ్స్ హి ఈజ్ బిజీ యార్. ఓ నహి మిల్తా “ అని నవ్వాడు.

మా మాటలు విన్న మిగిలిన వాళ్ళు కూడా సన్నగా నవ్వటం నేను గమనించాను.